ရန်ကုန်စတော့အိတ်ချိန်း စာရင်းဝင်အကြိုဈေးကွက် (PLB)၏ ဒုတိယမြောက် မှတ်ပုံတင်ကုမ္ပဏီဖြစ်သည့် ဂျီဘီအက်(စ်)လယ်ယာဝန်ဆောင်မှုလုပ်ငန်းအများနှင့် သက်ဆိုင်သောကုမ္ပဏီလီမိတက်(ASPGB)က အစုရှယ်ယာတစ်စုလျှင် ကျပ် ၅၀၀ နှုန်းဖြင့် အမြတ်ဝေစု ခွဲဝေပေးမည်ဖြစ်ကြောင်း သိရသည်။
ဂျီဘီအက်(စ်)လယ်ယာဝန်ဆောင်မှုလုပ်ငန်းအများနှင့်သက်ဆိုင်သောကုမ္ပဏီလီမိတက် ၏ ၂၀၂၆ ခုနှစ်၊ ဇွန်လ (၅) ရက်နေ့တွင် ကျင်းပခဲ့သော ဒါရိုက်တာအဖွဲ့ အစည်းအဝေး၏ ဆုံးဖြတ်ချက်အရ နဝမအကြိမ်မြောက် နှစ်ပတ်လည် အထွေထွေအစည်းအဝေးကို ၂၀၂၆ခုနှစ်၊ အောက်တိုဘာလ (၁၇) ရက်နေ့တွင် ကျင်းပပြုလုပ်သွားမည်ဖြစ်သည်။
အဆိုပါ နဝမအကြိမ်မြောက် နှစ်ပတ်လည်အထွေထွေအစည်းအဝေးသို့ တက်ရောက်ခွင့်နှင့် မဲပေးပိုင်ခွင့် ရှိမည့် အစုရှယ်ယာရှင်များအား အတည်ပြုသတ်မှတ်မည့်နေ့ (Record Date) မှာ ၂၀၂၆ ခုနှစ်၊ စက်တင်ဘာလ (၁၁)ရက်နေ့ ဖြစ်သည်။
ထို့ပြင် ၂၀၂၆ ခုနှစ်၊ ဇွန်လ (၅) ရက်နေ့တွင် ကျင်းပခဲ့သည့် ဒါရိုက်တာအဖွဲ့ အစည်းအဝေး ၏ သဘောတူညီချက်အရ အစုရှယ်ယာရှင်များသို့ အစုရှယ်ယာတစ်စုလျှင် ကျပ် ( ၅ဝဝ ) နှုန်းဖြင့် အမြတ်ဝေစု (Dividend) ခွဲဝေပေးရန် ဆုံးဖြတ်ခဲ့သည်။
ရှယ်ယာအရောင်းအဝယ်ပြုရမည့်နောက်ဆုံးရက်- ၈-၉-၂၀၂၆
အမြတ်ဝေစုခံစားခွင့်မရှိသောရှယ်ယာဝယ်ယူသည့်ရက်- ၉-၉-၂၀၂၆
အစုရှယ်ယာရှင်အဖြစ်အတည်ပြုမည့်ရက်- ၁၁-၉-၂၀၂၆
နှစ်ပတ်လည်အထွေထွေအစည်းအဝေး- ၁၇-၁၀-၂၀၂၆
ကုမ္ပဏီအနေဖြင့် အစုရှယ်ယာရှင်များသို့ အမြတ်ဝေစုခွဲဝေမည့်ရက်အား ထပ်မံကြေညာပေးမည်ဖြစ်ကြောင်း အသိပေးကြေညာထားသည်။
ရန်ကုန်စတော့အိတ်ချိန်း စာရင်းဝင်အကြိုဈေးကွက် (PLB)၏ ဒုတိယမြောက် မှတ်ပုံတင်ကုမ္ပဏီဖြစ်သည့် G.B.S Agri-cultural Services Public Company Limited အစုရှယ်ယာများ စတင်ရောင်းဝယ်ခြင်းအခမ်းအနားကို ၂၀၂၅ ခုနှစ် ဒီဇင်ဘာ ၁၇ ရက်က ရန်ကုန်စတော့အိတ်ချိန်း ပင်မခန်းမဆောင်၌ ကျင်းပခဲ့သည်။