ရန်ကုန်မြို့တွင် ကျင်းပသည့် ၃၉ ကြိမ်မြောက် အပြည်ပြည်ဆိုင်ရာမူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှု တို-က်ဖျ-က်ရေးနေ့အခမ်းအနားတွင် အမေရိကန်ဒေါ်လာ ၃၂၁ သန်းကျော်တန်ဖိုးရှိ မူးယစ်ဆေးဝါးများကို မီးရှို့ဖျ-က်ဆီးခဲ့သည်။
ယနေ့ ဇွန်လ ၂၆ ရက်နေ့တွင် ဖမ်းဆီးရမိမူးယစ်ဆေးဝါးများနှင့်ဓာတုပစ္စည်းများ မီးရှို့ဖျ-က်ဆီးခြင်း အခမ်းအနားကို ပြုလုပ်ခဲ့သည်။
၂ဝ၂၆ ခုနှစ်၊ ဇွန်လ ၂၆ ရက်နေ့ (၃၉)ကြိမ်မြောက် အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှု တို-က်ဖျ-က်ရေးနေ့တွင် ရန်ကုန်မြို့၊ မန္တလေးမြို့နှင့် တောင်ကြီးမြို့များ၌ မူးယစ်ဆေးဝါးများနှင့် ဓာတုပစ္စည်းများကို တပြိုင်နက်တည်းမီးရှို့ဖျ-က်ဆီးခဲ့ကြောင်း သိရသည်။
ယင်းတွင် ရန်ကုန်၌ မြန်မာကျပ်ငွေသန်း ၁၁၇၆၀၅၆.၇၁၂ ၊ အမေရိကန်အဒေါ်လာ ၃၂၁ ဒသမ ၃၂ သန်းတန်ဖိုးရှိ မူးယစ်ဆေးဝါး ၃၁ မျိုးကို မီးရှို့ဖျ-က်ဆီးခဲ့သည်။
အလားတူ မန္တလေးမြို့၌ မြန်မာကျပ်ငွေသန်း ၄၁၆၀၆၄.၃၁၁၊ အမေရိကန်ဒေါ်လာ ၁၁၃.၆၇ သန်းတန်ဖိုးရှိ မူးယစ်ဆေးဝါး ၂၇ မျိုး၊ တောင်ကြီးမြို့တွင် မြန်မာငွေကျပ်သန်း ၆၁၇၆၉၀.၉၇၊ အမေရိကန်ဒေါ်လာ ၁၆၈.၇၆ တန်ဖိုးရှိ မူးယစ်ဆေးဝါး ၉၃ မျိုးကို မီးရှို့ဖျ-က်ဆီးခဲ့ကြောင်း သိရသည်။
တစ်နိုင်ငံလုံးအတိုင်းအတာအနေဖြင့် အမေရိကန်ဒေါ်လာ သန်း ၆၀၀ ကျော်တန်ဖိုးရှိ မူးယစ်ဆေးဝါးများကို မီးရှို့ဖျ-က်ဆီးခဲ့ကြောင်း သိရသည်။
မူးယစ်ဆေးဝါးတားဆီးနှိမ်နင်းရေးကို အထူးစစ်ဆင်ရေးများ အနေဖြင့် ၂၀၁၃ ခုနှစ်မှ ၂ဝ၂၆ ခုနှစ်အထိ အကြိမ်ပေါင်း (၄၁) ကြိမ် ဆောင်ရွက်နိုင်ခဲ့ပြီးဖြစ်ကြောင်း၊ ၂၀၂၅ ခုနှစ်တွင်လည်း သတင်းရယူ ဖော်ထုတ်ဖမ်းဆီးရေးစီမံချက်ကို တစ်နိုင်ငံလုံး အတိုင်းအတာဖြင့် ဆောင်ရွက်ခဲ့ပြီး မူးယစ်ဆေးဝါး ထုတ်လုပ်ရာမှာအသုံးပြုသည့် ပရီကာဆာ ဓာတုပစ္စည်းများနှင့် မူးယစ်ဆေးဝါးများကို အောင်မြင်စွာ ဖော်ထုတ် ဖမ်းဆီးနိုင်ခဲ့ပြီး ၂၀၂၆ ခုနှစ်တွင် Operation 42/26 အထူးစစ်ဆင်ရေးကို ဆက်လက်အကောင်အထည်ဖော် ဆောင်ရွက် လျက်ရှိကြောင်း သိရသည်။
၂၀၂၅ ခုနှစ်အတွင်း တပ်မတော်၊ မြန်မာနိုင်ငံရဲတပ်ဖွဲ့နှင့် မိတ်ဖက် အဖွဲ့အစည်းများ ပူးပေါင်း၍ ဖမ်းဆီးအရေးယူ ဆောင်ရွက်ခဲ့ရာ မြန်မာ တစ်နိုင်ငံလုံး မူးယစ်ဆေးဝါး (၅၃၇၀) မှု၊ တရားခံ (၇၅၆၂) ဦး၊ စုစုပေါင်းတန်ဖိုး ငွေကျပ် (၁၇၆၁,၃၂၄) ဘီလီယံကျော်အား ဖော်ထုတ်ဖမ်းဆီးနိုင်ခဲ့ကြောင်း သိရသည်။
