ရန်ကုန်၊ စက်တင်ဘာ ၂
တောင်သူများ အဓိကအသုံးပြုသည့် ယူရီးယားနှင့် DAP အခြေခံ မြေဩဇာများအတွက် စက်တင်ဘာလအတွင်း ရန်ကုန်အထိုင် လက္ကားရည်ညွှန်းဈေးနှုန်းများကို မြန်မာနိုင်ငံ မြေဩဇာ၊ မျိုးစေ့နှင့် စိုက်ပျိုးရေးဆေးလုပ်ငန်းရှင်များအသင်း (MFSPEA) က ထုတ်ပြန်လိုက်သည်။
အဆိုပါ ရည်ညွှန်းဈေးနှုန်းများကို ယူရီးယားမြေဩဇာ ဝယ်ယူဖြန့်ဖြူးရောင်းချရေး ဦးဆောင်ကော်မတီ၏ ကြီးကြပ်မှုဖြင့် သတ်မှတ်ခဲ့ခြင်းဖြစ်ပြီး ၂၀၂၆ ခုနှစ် စက်တင်ဘာ ၁ ရက်မှ ၃၀ ရက်အထိ အကျုံးဝင်မည်ဖြစ်သည်။
သတ်မှတ်ထားသည့် ရန်ကုန်အထိုင် လက်ငင်းငွေချေ လက္ကားဈေးနှုန်းများမှာ ယူရီးယားမြေဩဇာ (အလုံးကြီး) ၅၀ ကီလိုတစ်အိတ်လျှင် ကျပ် ၁၂၀,၀၀၀၊ Di-Ammonium Phosphate (DAP) အခြေခံ ၁၅ ပတ်လည် မြေဩဇာ ၅၀ ကီလိုတစ်အိတ်လျှင် ကျပ် ၁၃၈,၀၀၀ တို့ ဖြစ်ကြသည်။
Complex ၁၅ ပတ်လည်မြေဩဇာများအတွက် ရည်ညွှန်းဈေး သတ်မှတ်ထားခြင်း မရှိကြောင်းနှင့် ဒေသအလိုက် သယ်ယူပို့ဆောင်ရေး ကုန်ကျစရိတ်ပေါ် မူတည်၍ ဈေးနှုန်း ကွာခြားနိုင်ကြောင်း သိရသည်။
သတ်မှတ်ရည်ညွှန်းဈေးဖြင့် ရောင်းချခြင်း မရှိပါက ယူရီးယားမြေဩဇာ ဝယ်ယူဖြန့်ဖြူးရောင်းချရေး ဦးဆောင်ကော်မတီ ဖုန်း ၀၆၇-၄၁၀၀၃၅ သို့မဟုတ် MFSPEA ဖုန်း ၀၉-၉၈၈၅၃၉၃၆၀ သို့ ဆက်သွယ် တိုင်ကြားနိုင်ကြောင်း သိရသည်။