ကွာလာလမ်ပူရ်၊ စက်တင်ဘာ ၁၅
မလေးရှားနိုင်ငံတွင် လေထုအရည်အသွေး ပိုမိုဆိုးရွားလာနေပြီး အင်္ဂါနေ့တွင် နိုင်ငံတစ်ဝန်း အနည်းဆုံး ဒေသ ၃၇ ခု၌ လေထုညစ်ညမ်းမှုညွှန်ကိန်း (API) သည် ကျန်းမာရေးအတွက် မကောင်းသည့်အဆင့်သို့ ရောက်ရှိခဲ့ကြောင်း မလေးရှားနိုင်ငံ၏ လေထုညစ်ညမ်းမှုညွှန်ကိန်း စီမံခန့်ခွဲမှုစနစ်မှ ထုတ်ပြန်သည့် အချက်အလက်များအရ သိရသည်။
ဘော်နီယိုကျွန်းမြောက်ပိုင်းရှိ ဆာရာဝတ်ပြည်နယ်တွင် လေထုအရည်အသွေး အဆိုးရွားဆုံးအခြေအနေ ဆက်လက်ဖြစ်ပေါ်နေပြီး ဒေသစံတော်ချိန် နံနက် ၁၀ နာရီအထိ စီရီယန်ဒေသ၌ API ၁၈၈ အထိ ရှိခဲ့ကာ ပြည်နယ်မြို့တော် ကူချင်း၌ API ၁၅၃ ရှိခဲ့သည်။
မလေးရှားကျွန်းဆွယ်ဘက်တွင် ဆလန်ဂေါပြည်နယ်ရှိ ဂျိုဟန်ဆီတီယာဒေသ၌ API ၁၈၃ ရှိခဲ့ပြီး ဂျိုဟိုးပြည်နယ်ရှိ ပါဆီးဂူဒန်းနှင့် လာကင်ဒေသတို့၌ API ၁၇၄ နှင့် ၁၆၉ အသီးသီး ရှိခဲ့သည်။
မလေးရှားနိုင်ငံ၏ လေထုအရည်အသွေး သတ်မှတ်ချက်အရ API ၀ မှ ၅၀ အထိကို ကောင်းမွန်သည့်အဆင့်၊ ၅၁ မှ ၁၀၀ အထိကို သင့်တင့်သည့်အဆင့်၊ ၁၀၁ မှ ၂၀၀ အထိကို ကျန်းမာရေးအတွက် မကောင်းသည့်အဆင့်၊ ၂၀၁ မှ ၃၀၀ အထိကို ကျန်းမာရေးအတွက် အလွန်မကောင်းသည့်အဆင့်နှင့် ၃၀၁ နှင့်အထက်ကို အန္တရာယ်ရှိသည့်အဆင့်အဖြစ် သတ်မှတ်ထားသည်။
Ref: Xinhua