မန္တလေးမြို့၊ ချမ်းအေးသာစံမြို့နယ်၊ မိုးကောင်းတိုက်၊ ဇယဝတီကျောင်း ဆရာတော်ကြီး ဘဒ္ဒန္တသုဇနာဘိဝံသ မဟာထေရ်မြတ်ကြီးသည် ယနေ့ (ဇူလိုင် ၂၁ ရက်) နံနက် ၉ နာရီခွဲတွင် ပျံလွန်တော်မူသွားကြောင်း မန္တလေး သတင်းကွန်ရက်၏ ဖော်ပြချက်အရ သိရသည်။
သက်တော် (၉၀) နှစ်၊ သိက္ခာတော် (၇၀) ဝါရှိပြီဖြစ်သည့် ဆရာတော်ကြီးသည် အဘိဓဇမဟာရဋ္ဌဂုရု၊ အဂ္ဂမဟာပဏ္ဍိတ၊ အဂ္ဂမဟာဂန္ထဝါစကပဏ္ဍိတ ဘွဲ့တံဆိပ်တော်များအပြင် သ.အ.စ ဓမ္မာစရိယ၊ ဝဋံသကာ နှင့် ပါဠိပါရဂူ ဘွဲ့တံဆိပ်တော်များကို ရရှိတော်မူထားသော သာသနာ့အာဇာနည် မဟာထေရ်တစ်ပါး ဖြစ်သည်။
ဆရာတော်ကြီး ဘဝနတ်ထံ ပျံလွန်တော်မူခြင်းနှင့် ပတ်သက်၍ ရပ်ဝေးရပ်နီးမှ တပည့်ဒါယကာ၊ ဒါယိကာမများ သိရှိနိုင်ရန် မန္တလေး သတင်းကွန်ရက်က သတင်းထုတ်ပြန်ထားပြီး စရဏပူဇာ အခမ်းအနား ကျင်းပမည့် အစီအစဉ်များကိုမူ ဆက်လက်ထုတ်ပြန်သွားမည် ဖြစ်သည်။
ဓာတ်ပုံ- မန္တလေးသတင်းကွန်ရက်