ဘရစ် အစည်းအဝေး ပူးတွဲကြေညာချက် မထုတ်နိုင်

အဖွဲ့ဝင်နိုင်ငံအချို့ကို ထိခိုက်စေခဲ့သည့် အီရန်စစ်ပွဲနှင့် ပတ်သက်၍ အဖွဲ့အတွင်း သဘောထားကွဲလွဲမှုများကြောင့် အဓိကဖွံ့ဖြိုးဆဲစီးပွားရေးနိုင်ငံများ၏ ဘရစ်မဟာမိတ်အဖွဲ့သည် အိန္ဒိယတွင် ပြုလုပ်ကျင်းပသော နှစ်ရက်ကြာ အစည်းအဝေးအပြီး၌ ပူးတွဲကြေညာချက် ထုတ်ပြန်နိုင်ခြင်းမရှိခဲ့ပေ။
         
လက်ရှိတွင် မဟာမိတ်အဖွဲ့၏ ဥက္ကဌဖြစ်သော အိန္ဒိယနိုင်ငံသည် ဘရစ်နိုင်ငံခြားရေးဝန်ကြီးများ အစည်းအဝေးကို နူးဒေလီတွင် လက်ခံကျင်းပခဲ့သည်။
      
အရှေ့အလယ်ပိုင်း ပဋိပက္ခနှင့် ပတ်သက်၍ အဖွဲ့ဝင်အချို့ကြားတွင် ကွဲပြားသော အမြင်များရှိခဲ့သည် ဟု အိန္ဒိယက သောကြာနေ့တွင် ပြောကြားခဲ့သည်။
      
ဘရစ်အဖွဲ့ဝင်နိုင်ငံများအနေဖြင့် အမေရိကနှင့် အစ္စရေးတို့၏ နိုင်ငံတကာဥပဒေချိုးဖေ-ာက်မှုများကို ရှုတ်ချကြရန် အီရန်နိုင်ငံခြားရေးဝန်ကြီး အဘတ်စ် အာရတ်ချီက ကြာသပတေးနေ့တွင် တိုက်တွန်းခဲ့သည်။
        
စစ်ပွဲသည် အီရန်နှင့် ပင်လယ်ကွေ့အိမ်နီးချင်းနိုင်ငံများဖြစ်သည့် ဆော်ဒီအာရေဗျနှင့် အာရပ်စော်ဘွားများပြည်ထောင်စုတို့အကြား တင်းမာမှုများကို ပိုမိုဆိုးရွားစေခဲ့သည်။ ဆော်ဒီသည် အဖွဲ့သို့ တရားဝင် မဝင်ရောက်ရသေးပါ။
        
အဖွဲ့ဝင်တစ်နိုင်ငံသည် အိန္ဒိယ၏ ကြေညာချက်မှ အချက်အချို့ကို လက်မခံဘဲ တားဆီးခဲ့သည်ဟု ယူအေအီးကို တိုက်ရိုက်အမည်မဖော်ပြဘဲ အာရတ်ချီက သတင်းစာရှင်းလင်းပွဲတွင် ပြောကြားခဲ့သည်။ ဖေဖော်ဝါရီလ ၂၈ ရက် နေ့တွင် စစ်ပွဲစဖြစ်ပြီးနောက် အီရန်သည် ၎င်း၏ ပင်လယ်ကွေ့အိမ်နီးချင်းများကို အကြိမ်ကြိမ် ပ-စ်မှတ်ထားခဲ့ပြီး အစ္စရေးအပါအဝင် ပဋိပက္ခတွင် ပါဝင်သည့် အခြားနိုင်ငံများထက် ယူအေအီးကို ပိုမိုတို-က်ခိုက်ခဲ့သည်ဟု သတင်းများထွက်ပေါ်ခဲ့သည်။
        
“အဲဒီနိုင်ငံနဲ့ပတ်သက်လို့ ကျွန်တော်တို့ ပြဿနာမရှိပါဘူး၊ လက်ရှိစစ်ပွဲမှာ သူတို့က ကျွန်တော်တို့ ပ-စ်မှတ်မဟုတ်ပါဘူး၊ ကံမကောင်းစွာပဲ သူတို့မြေပေါ်မှာရှိနေတဲ့ အမေရိကန်အခြေစိုက်စခန်းတွေနဲ့ စစ်စခန်းတွေကိုတော့ ကျွန်တော်တို့ တို-က်ခိုက်ရပါတယ်” ဟု အာရတ်ချီက ပြောကြားခဲ့သည်။
       
ယူအေအီးကိုယ်စားလှယ် နိုင်ငံခြားရေးဝန်ကြီး ခါလီဖာ ဘင်ရှာဟင်း အယ်လ်မာရာကမူ အာရတ်ချီ၏ မှတ်ချက်များကို ပယ်ချခဲ့ပြီး ယူအေအီးနှင့် အခြားပင်လယ်ကွေ့နိုင်ငံများအပေါ် အကြမ်းဖက်တို-က်ခိုက်မှုများကို တရားမျှတသယောင် ပြောဆိုနေခြင်းဟု စွပ်စွဲခဲ့သည်။ အီရန်သည် ပဲ့ထိန်းဒုံးကျည်များ၊ ခရုဇ်ဒုံးကျည်များနှင့် ဒရုန်းများကိုသုံး၍ ယူအေအီးကို တို-က်ခိုက်မှု အကြိမ် ၃,၀၀၀ ခန့် ပြုလုပ်ခဲ့ကြောင်း အယ်လ်မာရာက ပြောကြားခဲ့သည်။

Ref: အယ်ဂျာဇီးယား