ဘယ်လာရုစ်နိုင်ငံသမ္မတ အလက်ဇန္ဒား လူကာရှန်ကို သည် မြန်မာနိုင်ငံသို့ အလုပ်သဘောခရီးစဉ်အဖြစ် ထွက်ခွာသွားပြီဖြစ်ကြောင်း သိရသည်။
ဇူလိုင် ၂ ရက်တွင် ဘယ်လာရုစ်သမ္မတနှင့် မြန်မာနိုင်ငံ နိုင်ငံတော်သမ္မတ ဦးမင်းအောင်လှိုင် တို့ တွေ့ဆုံဆွေးနွေးရန် စီစဉ်ထားပြီး နှစ်နိုင်ငံခေါင်းဆောင်များသည် နှစ်ဦးတည်းတွေ့ဆုံဆွေးနွေးမှု (One-on-One Meeting) ကိုလည်း ပြုလုပ်ကာ ဘယ်လာရုစ်-မြန်မာ နှစ်နိုင်ငံဆက်ဆံရေးနှင့် သက်ဆိုင်သည့် အရေးပါသောကိစ္စရပ်များကို ဆွေးနွေးသွားမည်ဖြစ်ကြောင်း သိရသည်။
ဆွေးနွေးပွဲတွင် စက်မှုကဏ္ဍ၊ စိုက်ပျိုးရေးကဏ္ဍ၊ ဆေးဝါးထုတ်လုပ်ရေးကဏ္ဍ၊ လူသားချင်းစာနာထောက်ထားမှုကဏ္ဍနှင့် အခြားပူးပေါင်းဆောင်ရွက်ရေးကဏ္ဍများကို အဓိကထား ဆွေးနွေးသွားမည်ဖြစ်သည်။
ထို့ပြင် ၂၀၂၆-၂၀၂၈ ခုနှစ် ကာလအတွက် ပူးတွဲဆောင်ရွက်မည့် လုပ်ငန်းစီမံချက် (Joint Action Plan) တွင် လက်တွေ့အကောင်အထည်ဖော်မည့် လုပ်ငန်းအစီအစဉ်များလည်း ထည့်သွင်းထားကြောင်း သိရသည်။