ဘန်ကောက်၊ဇန်နဝါရီ ၁၅
တရုတ်နိုင်ငံမှ အသက် ၆၄ နှစ်နှင့် ၆၀ နှစ်အရွယ်ရှိဇနီးမောင်နှံသည် ပျောက်ဆုံးနေသည့် ၎င်းတို့၏သားဖြစ်သူကိုရှာဖွေပေးရန် ထိုင်းသံရုံးသို့တောင်းဆိုခဲ့ကြကြောင်းသိရသည်။
၎င်းတို့၏သားသည် အသက် ၃၂ နှစ်အရွယ်ရှိပြီဖြစ်ကာ ထိုင်းနိုင်ငံ၌ပျောက်ဆုံးနေသည်ဟုဆိုကာ သံရုံးတာဝန်ရှိသူများနှင့်လမ်းသွားလမ်းလာများကို အကူအညီတောင်းခဲ့ခြင်းဖြစ်ကြောင်းသိရသည်။
ဖခင်ဖြစ်သူမစ္စတာဆမ်ကမူ သားဖြစ်သူအား ပြီးခဲ့သည့်နှစ် ဧပြီလက ၎င်းအဘွား၏ဈာပန၌သာနောက်ဆုံးတွေ့ခဲ့ခြင်းဖြစ်ကြောင်းဆိုကာ မိခင်ကမူ ၎င်းတို့တွင် သားတစ်ဦးတည်းသာရှိသဖြင့် အဆုံးရှုံးမခံနိုင်သောကြောင့်ဝိုင်းကူရှာပေးရန် သံရုံးဝန်ထမ်းများကိုအကူအညီတောင်းခဲ့သည်ဟုသိရသည်။
သားဖြစ်သူက ဆက်သွယ်လာသည့်အခါ၌လည်း ထိုင်းသို့ရောက်နေကြောင်းသာပြောကြားခဲ့ပြီး We Chat မှတစ်ဆင့် ငွေပို့ပေးရန်ပြောခဲ့ကာ ဖုန်းဖြင့်ပြန်ဆက်သွယ်ချိန်၌ မန်ဒရင်းစကားပြောသူ အမျိုးသမီးတစ်ဦးသာလာကိုင်သည်ဟုလည်းပြောကြားခဲ့သည်။
ထိုင်းရဲတပ်ဖွဲ့၏ပြောကြားချက်အရ ၎င်းတို့သားသည် ဇန်နဝါရီလ ၁ ရက်နေ့က ဘန်ကောက်သို့ရောက်ရှိခဲ့ပြီး သု၀ဏ္ဏဘူမိလေဆိပ်မှတက္ကစီငှားစီးခဲ့ပြီးနောက် ၎င်းကိုခြေရာခံမရတော့ခြင်းဖြစ်သည်ဟုလည်းသိရသည်။
ယခုအခါ လူပျောက်မှုများနှင့်ပတ်သက်ပြီး လူကု-န်ကူးမှုများအတွက်စိုးရိမ်မှုများမြင့်တက်လာလျက်ရှိသည်။ပျောက်ဆုံးနေသူများသည် ထိုင်း – မြန်မာနယ်စပ်ရှိ အွန်လိုင်းငွေလိ–မ်ဂိုဏ်းများသို့အများဆုံးရောက်ရှိကြပြီး မကြာသေးမီကလည်း တရုတ်နိုင်ငံသားသရုပ်ဆောင်တစ်ဦးကို ကယ်တင်ခဲ့ရသေးသည်။
Source : ဟင်ဒူစတန်တိုင်းမ်စ်
Photo credit to SCMP