ဧရာဝတီတိုင်း၊ လေးမျက်နှာမြို့နယ်၌ ဖြစ်ပေါ်လျက်ရှိသည့် ရေကြီးရေလျှံမှုဖြစ်စဥ်တွင် ကူညီကယ်ဆယ်ရေးလုပ် ငန်းများပြုလုပ်လျက်ရှိသောအဖွဲ့ဝင်များအနေဖြင့် ကယ်ဆယ်ရေးပြုလုပ်စဥ် အသက်ကယ်ဝတ်စုံ(Life Jacket)မဖြစ်မနေဝတ်ဆင်ကြရန် ဧရာဝတီတိုင်းအစိုးရအဖွဲ့က မေတ္တာရပ်ခံခဲ့သည်။
ကယ်ဆယ်ရေးပြုလုပ်ရာတွင် စက်လှေ၊ လှေများဖြင့် ရေလမ်းကြောင်းအတိုင်းလှည့်လည်ကူညီချိန်များ၌ မမျှော်မှန်းနိုင်သော ရေစီးကြောင်းအန္တရာယ်နှင့် လှေမှောက်ခြင်း၊ တိမ်းမှောက်ခြင်းအန္တရာယ်များဖြစ်ပေါ်လာနိုင်၍ အသက်ကယ်ဝတ်စုံ(Life Jacket)မဖြစ်မနေဝတ်ဆင်ကြရန် မေတ္တာရပ်ခံခဲ့ခြင်းဖြစ်သည်။
စက်လှေ/လှေများပေါ် မစီးနင်းမှီ အသက်ကယ်ဝတ်စုံ (Life Jacket)များကိုပြည့်စုံစွာဝတ်ဆင်ပြီးမှသာ လိုက်ပါစီးနင်းကြရန်နှင့် ကိုယ်တိုင်ဘေးကင်းလုံခြုံမှသာ ရေဘေးအခက်အခဲကြုံတွေ့နေရသူများကို ထိရောက်စွာ ဆက်လက်ကူညီပေးနိုင်မည်ဖြစ်၍ လုံခြုံရေးသတိထားကြရန် တိုင်းအစိုးရအဖွဲ့က မေတ္တာရပ်ခံခဲ့သည်။