ပူတင်နှင့် အမြန်ဆုံး တွေ့သွားမည်–ထရမ့်ပ်

လာမည့်သီတင်းပတ်တွင် သမ္မတရာထူး ကို စတင်တာဝန်ယူပြီးသည်နှင့် ရုရှားသမ္မတဗလာဒီမာပူတင်နှင့် အမြန်ဆုံးတွေ့ဆုံသွားမည်ဟု အမေရိကန်ရွေးကောက်ခံသမ္မတ ဒေါ်နယ်ထရမ်ပ့်က တနင်္လာနေ့တွင် ပြောကြားခဲ့သည်။

၂၀၂၂ ခုနှစ် ဖေဖော်ဝါရီတွင် ရုရှားက ယူကရိန်းကို စတင်စစ်ဆင်နွှဲခဲ့ပြီးနောက်ပိုင်း နှစ်နိုင်ငံခေါင်းဆောင်များအကြား ပထမဆုံးဖြစ်လာမည့် တွေ့ဆုံမှု၏ အချိန်ကာလကိုမူ သူက ပြောဆိုခဲ့ခြင်းမရှိပေ။

စစ်ပွဲအဆုံးသတ်ရေး အတွက် သူ၏ နည်းလမ်းနှင့်ပတ်သက်၍ မေးမြန်းရာတွင် နည်းလမ်းတစ်ခုသာရှိကြောင်းနှင့် ယင်းသည် ပူတင်အပေါ် မူတည်ကြောင်း ထရမ့်ပ်က ပြောဆိုသည်။ ပူတင်အနေဖြင့် သူသွားရာလမ်းကြောင်းသည် လုံးလုံးအဆင်ချောနေခြင်းမရှိသည့်အတွက် အရမ်းကျေနပ်နေလိမ့်မည်ဟု သူ မထင်ပါကြောင်းလည်း ဆိုခဲ့သည်။

သူတွေ့ချင်နေသည်ကို မိမိသိကြောင်းနှင့် အမြန်ဆုံးတွေ့သွားမည်ဖြစ်ကြောင်း၊ အမြန်ဆုံးလုပ်မည်ဖြစ်သော်လည်း တစ်ချို့အရာများသည် တရားဝင်ရာထူးတာဝန်ထမ်းဆောင်မှသာ လုပ်ရမည့်အရာများဖြစ်ကြောင်း ထရမ့်ပ်က ပြောဆိုခဲ့သည်။

နိုင်ငံတော်လုံခြုံရေးအကြံပေးဖြစ်လာမည့် လွှတ်တော်အမတ် Mike Waltz က လာမည့်ရက်ပိုင်းနှင့် ရက်သတ္တပတ်များအတွင်း ထရမ့်ပ်နှင့် ပူတင်အကြား ဖုန်းခေါ်ဆိုမှု ရှိလာမည်ဟု မျှော်လင့်ထားကြောင်း တနင်္ဂနွေနေ့တွင် ပြောဆိုခဲ့သည်။

ယူကရိန်းကို ရုရှား၏ ကျူးကျော်မှုကြောင့် လူပေါင်း သောင်းနှင့်ချီ၍ ‌ေ-သဆုံးထားပြီး သန်းနှင့်ချီ၍ စစ်ဘေးရှောင်နေခဲ့ရကာ ၁၉၆၂ ခုနှစ် ကျူးဘားဒုံးကျည်အရေးအခင်းနောက်ပိုင်း မော်စကိုနှင့် အနောက်တိုင်းအကြား ဆက်ဆံရေးသည် အကြီးမားဆုံးပြိုကွဲမှုများ ဖြစ်စေခဲ့သည်။

Ref: ယူအက်စ်နူးစ်