UFC ဖလိုင်းဝိတ်တန်း (Flyweight) ချန်ပီယံ မြန်မာကိုယ်စားပြု ချင်းဖိုက်တာ ဂျိုရှုအာဗန် (Joshua Van) နှင့် ချန်ပီယံဟောင်း ဘရာဇီးနိုင်ငံသား အလက်ဇန်းဒါး ပန်တိုဂျာ (Alexandre Pantoja) တို့၏ ဒုတိယအကြိမ်မြောက် ခါးပတ်လုပွဲ မကျေပွဲ (Rematch) ကို လာမည့် စက်တင်ဘာလတွင် ကျင်းပသွားမည်ဖြစ်ကြောင်း UFC က ယနေ့ တွင် တရားဝင်ထုတ်ပြန်ထားသည်။
အဆိုပါပွဲစဉ်ကို ၂၀၂၆ ခုနှစ်၊ စက်တင်ဘာလ ၁၉ ရက် (စနေနေ့) တွင် အမေရိကန်နိုင်ငံ၊ လော့စ်အိန်ဂျလိစ်မြို့ရှိ Crypto.com Arena ၌ ကျင်းပမည့် UFC 331 ပြိုင်ပွဲ၏ အဓိကတွဲဆိုင်း (Main Event) အဖြစ် ထည့်သွင်းကျင်းပမည် ဖြစ်ကြောင်း သိရသည်။
ပြီးခဲ့သည့် ၂၀၂၅ ခုနှစ်၊ ဒီဇင်ဘာလက UFC 323 ပြိုင်ပွဲတွင် ပထမအကြိမ် ဆုံတွေ့ခဲ့ကြပြီး ပွဲစ၍ ၂၆ စက္ကန့်အကြာ၌ ပန်တိုဂျာ၏ တံတောင်ဆစ် ဒ-ဏ်ရာရရှိမှုကြောင့် ဂျိုရှုအာဗန်က TKO ဖြင့် အနိုင်ရကာ ချန်ပီယံခါးပတ်ကို စတင်သိမ်းပိုက်နိုင်ခဲ့ခြင်းဖြစ်သည်။
ဂျိုရှုအာဗန် သည် ပြီးခဲ့သည့် မေလအတွင်းက ကျင်းပခဲ့သည့် ပြိုင်ပွဲတွင် ဂျပန်ဖိုက်တာ တတ်ဆူရို တိုင်ရာ (Tatsuro Taira) ကိုလည်း ချန်ပီယံ ကာကွယ်ပွဲတွင် အနိုင်ရရှိထားသည်။