ပုဒ်မ ၃၃ နှင့်ပတ်သက်၍ မြန်မာအား ပြည်သူ့ဘဝ မထိခို-က်စေသည့်နည်းလမ်းဖြင့် စောင့်ကြည့် ကြပ်မတ်မည်

၁၁၃ ကြိမ်မြောက် အပြည်ပြည်ဆိုင်ရာအလုပ်သမားညီလာခံ (အိုင်အယ်လ်စီ)တွင်  မြန်မာနိုင်ငံကို အိုင်အယ်လ်အို ပုဒ်မ ၃၃ ကို လိုက်နာမှုအားနည်းသဖြင့် ​စောင့်ကြည့်စစ်​ဆေး​သွားမည်ဖြစ်​ကြောင်း သိရသည်။

ပုဒ်မ ၃၃ က အိုင်အယ်လ်အို အုပ်ချုပ်မှုအဖွဲ့ကို အဖွဲ့ဝင်နိုင်ငံတစ်နိုင်ငံက စုံစမ်းရေးကော်မရှင် သို့မဟုတ် အပြည်ပြည်ဆိုင်ရာတရားရုံး၏ ဆုံးဖြတ်ချက်ကို လိုက်နာရန်ပျ-က်ကွ-က်လျှင် အဆိုပါနိုင်ငံကို အရေးယူရန် ထောက်ခံ တင်ပြရမည့် လုပ်ထုံးလုပ်နည်းကို ပြဋ္ဌာန်းထားသည်။ ဤကဲ့သို့ အရေးယူရခြင်း၏ ရည်ရွယ်ချက်မှာ အပြည်ပြည်ဆိုင်ရာ အလုပ်သမား စံနှုန်းများနှင့် အခြေခံအခွင့်အရေးများကို လိုက်နာစေရန်ဖြစ်သည်။ အရေးယူမှုတွင် သံတမန်နည်းလမ်းဖြင့်ဖိအားပေးခြင်း၊ စီးပွားရေးအရအရေးယူပိ-တ်ဆို့ခြင်း သို့မဟုတ် အပြည်ပြည်ဆိုင်ရာတရားရုံး၌ အမှုရင်ဆိုင်စေခြင်းတို့ဖြစ်သည်။

အဆိုပါ ပုဒ်မ ၃၃ ကို အဖွဲ့ဝင် နိုင်ငံတိုင်းက လိုက်နာရမည်ဖြစ်သည်။ မြန်မာနိုင်ငံတွင်​အားလုံးကဝိုင်းဝန်း၍ တိုးတက်​ကောင်းမွန်​အောင်လုပ်​ဆောင်ရမည်ဖြစ်ပြီး ​စောင့်ကြည့်ခံအဆင့်ဖြစ်​နေမည် ဖြစ်သည်။ အဆိုပါကိစ္စနှင့်ပတ်သက်ပြီး ညီလာခံ၌ မြန်မာနိုင်ငံကို အ​ရေးယူမည်ကို တရုတ်၊ ရုရှ၊ ဘီလာရုစ် နှင့် လာအိုတို့က မ​ထောက်ခံ​ကြောင်း​ပြောကြားခဲ့ကြသည်။ နိုင်ငံအများစုက ပြည်သုများ၏လူမှုစီးပွါးဘဝကိုမထိခို-က်စေရေး၊ စီးပွါးရေးဆန်ရှင်မပါရေးတို့ကိုဦးတည်ဆွေးနွေးခဲ့ကြသည်။

မြန်မာနိုင်ငံနှင့်ပတ်သက်၍ အစိုးရ၊ အလုပ်ရှင်၊ အလုပ်သမား သုံးပွင့်ဆိုင်ကိုယ်စားလှယ်များကို တရားဝင်ဖိတ်ကြားခြင်းမျိုးမဟုတ်ဘဲ မြန်မာမှ အလုပ်ရှင်အလုပ်သမား ကိုယ်စားလှယ်များကို အိုင်အင်န်ဂျီအိုများ အ​နေဖြင့် ဖိတ်ကြားခြင်းမျိုးဖြစ် သည်ဟုသိရသည်။

၂၀၂၄ ခုနှစ်က အိုင်အယ်လ်အို အုပ်ချုပ်မှုအဖွဲ့၏ ဆုံးဖြတ်ချက်တွင် မြန်မာနိုင်ငံ၏ အလုပ်ရှင်၊ အလုပ်သမား ကိုယ်စားလှယ်များကို အိုင်အင်န်ဂျီအိုက တာဝန်ခံ ဖိတ်ကြားနိုင်​ကြောင်း ဆုံးဖြတ်ထားသည်။ တက်​ရောက်သူမြန်မာများက အပြည်ပြည်ဆိုင်အဖွဲ့အစည်းများ၏ ကိုယ်စားလှယ်များအဖြစ်ဖိတ်ကြားမှုအရ တက်​ရောက်​နေကြခြင်းဖြစ်သည်။

အလုပ်ရှင် အဖွဲ့ ဒုဥက္ကဋ္ဌ ဂျက်ကလင်းက ပုဒ်မ ၃၃ သည်မြန်မာအား ဒဏ်တပ်ခြင်းမဟုတ်ဘဲ လိုက်နာ​အောင် လုပ်ခြင်းဖြစ်​ကြောင်းနှင့် ပြည့်သူ့ဘဝ မထိခို-က်စေသည့် နည်းဖြင့် ထိမ်းကြောင်းသွားရမည်ဟု ထည့်သွင်း ပြောကြားခဲ့သည်။

တဖက်သတ်အ​ရေးယူမှုများသည် မမှန်ကန်​ကြောင်း၊ ခုတ်ရာတခြားရှရာတလွဲဖြစ်နိုင်​သဖြင့် လာအိုနိုင်ငံကမ​ထောက်ခံ​ကြောင်း​ ပြောကြားခဲ့သည်။

ဘယ်လာရုစ်နိုင်ငံက မြန်မာသည်ပူး​ပေါင်းလုပ်​ဆောင်ရန် အသင့်ရှိ​နေပြီး၄င်းတို့ကိုမည်သည့်ဒိုင်ယာ​လော့မှမလုပ်ဘဲ အ​ရေးယူခြင်းကို မ​ထောက်ခံပါ​ကြောင်း​ပြောကြားခဲ့သည်။

ကိုယ်စားလှယ်တစ်ဦး၏အဆိုအရ ပုဒ်မ ၃၃ ဖြင့် မြန်မာနိုင်ငံကို အရေးယူသည့်အဆင့် မဟုတ်ဘဲ လိုက်နာ​အောင် လုပ် ဆောင်ခြင်းသာဖြစ်​ကြောင်း‌ ​ပေါ်ပြူလာကို ဖြေကြားခဲ့သည်။

“အပြန်အလှန်အပြည့်အစုံဆွေးနွေးခြင်းများနဲ့ ဆုံးဖြတ်ချက်များကို သေချာနားထောင်ပြီးမှ မှတ်ချက်ပေးလို့ရပါမယ်။ ကုလသမဂ္ဂလုံခြုံရေးကောင်စီညီလာခံကို အခုကိစ္စတင်-မတင်ပေါ်မှာမူတည်သွားမှာပါ။

ILO အနေနဲ့တော့ အရေးယူလို့မရဘူး၊ UN ကဘဲဆုံးဖြတ်ချက်ချပြီးအရေးယူတာပါ” ဟု အလုပ်ရှင် အလုပ်သမား ရေးရာ နားလည်သူတစ်ဦးက ဆိုသည်။