နေပြည်တော်စည်ပင်သာယာရေးကော်မတီ အင်ဂျင်နီယာဌာန(လမ်း/တံတား)က ၂၀၂၆-၂၀၂၇ ဘဏ္ဍာရေးနှစ် ငွေလုံးငွေရင်းအသုံးစရိတ်ခွင့်ပြုရန်ပုံငွေနှင့် နိုင်ငံတော်ထောက်ပံ့ရန်ပုံငွေတို့ဖြင့် ဆောင်ရွက်မည့် လမ်းနှင့်တံတားလုပ်ငန်း Lot(၁၅)ခုအတွက် တင်ဒါနည်းပညာအဆိုပြုလွှာများ ဖွင့်ဖောက်စစ်ဆေးခြင်း အခမ်းအနားကို ဇူလိုင် ၃ ရက် နံနက်ပိုင်းက နေပြည်တော်စည်ပင်သာယာရေးကော်မတီ အစည်းအဝေးခန်းမ၌ ကျင်းပခဲ့သည်။
အခမ်းအနားတွင် တင်ဒါကော်မတီဥက္ကဋ္ဌ၊ ဒုတိယမြို့တော်ဝန် ဦးဝင်းမိုးခိုင်က အဖွင့်အမှာစကား ပြောကြားခဲ့သည်။
အခမ်းအနားသို့ ကော်မတီဝင် ဦးကျော်ကျော်အောင်၊ အမြဲတမ်းအတွင်းဝန် ဦးဇော်မြင့်ဦး၊ ဌာနကြီးမှူး ဦးတင်အောင်ငွေနှင့် တင်ဒါကော်မတီအဖွဲ့ဝင် ဌာနမှူးများ၊ တင်ဒါအဆိုပြုလွှာတင်သွင်းသည့် ကုမ္ပဏီများမှ တာဝန်ရှိသူများ တက်ရောက်ခဲ့ကြသည်။
ထို့နောက် တင်ဒါကော်မတီအတွင်းရေးမှူးက တင်ဒါလုပ်ငန်းဆိုင်ရာ စည်းကမ်းချက်များကို ရှင်းလင်းပြောကြားခဲ့ပြီး တင်ဒါအဆိုပြုလွှာ တင်သွင်းထားသည့် ကုမ္ပဏီများက နည်းပညာပိုင်းဆိုင်ရာ အချက်အလက်များကို အသီးသီးတင်ပြခဲ့ကြသည်။
ယင်းနောက် ကုမ္ပဏီများမှ တင်သွင်းထားသည့် နည်းပညာအဆိုပြုလွှာများကို ဖွင့်ဖောက်စစ်ဆေးကာ မှတ်တမ်းတင်ဆောင်ရွက်ခဲ့ကြောင်း သိရသည်။