လာမည့် အနာဂတ်တွင် ရှမ်းတိုင်းရင်းသားများ စုပေါင်းတည်ထောင်သည့် ပြည်ထောင်စုရှမ်းပြည်တည်ဆောက်ရမည်ဟု ရှမ်းပြည်ပြန်လည်ထူထောင်ရေးကောင်စီ/ ရှမ်းပြည်တ ပ်မတော် (RCSS/SSA) ဥက္ကဋ္ဌ ဗိုလ်ချုပ်ကြီး ယွက်ဆစ်ကပြောကြားသည်။
ယနေ့ ဖေဖော်ဝါရီလ(၇)ရက် နံနက်ပိုင်းက မိုင်းပန်မြို့နယ်၊ နားဆာလဲကျေးရွာရှိ ငြိမ်းချမ်းရေးကွင်း၌ ကျင်းပပြုလုပ်သည့် (၇၈)နှစ်မြောက် ရှမ်းပြည်အမျိုးသားနေ့ အခမ်းအနားမိန့်ခွန်းအတွင်း ထိုသို့ ထည့်သွင်းပြောကြားခဲ့ခြင်းဖြစ်သည်။
ထို့ပြင် ပြည်ထောင်စု မြန်မာနိုင်ငံသည်လည်း လက်ရှိ ကမ္ဘာ့နိုင်ငံရေးအခင်းအကျင်းနှင့် ကိုက်ညီသည့် ဖက်ဒရယ်ဒီမိုကရေစီပြည်ထောင်စု တည်ဆောက်ရမည်ဟုလည်း ၎င်းက ဆို သည်။
ထို့ကြောင့် တိုင်းရင်းသား လက်နက်ကိုင်အဖွဲ့အစည်းများအနေဖြင့် ကိုယ်ပိုင်ပြဋ္ဌာန်းခွင့်ရရှိရေး၊ တိုင်းပြည်အေးချမ်းသာယာဖွံ့ဖြိုးတိုးတက်ရေးနှင့် စီးပွားရေး ကောင်းမွန်ရေးအတွက် လုပ်ဆောင်ကြရမည်ဖြစ်သကဲ့သို့ လက်နက်ကိုင်အဖွဲ့အစည်းများအနေဖြင့်လည်း နိုင်ငံရေးဆွေးနွေးပွဲတက်ရောက် ဆွေးနွေးရမည်ဖြစ်ပြီး၊ စစ်ရေးဖြင့် ပြဿနာဖြေရှင်းပါက ပြည်ထောင်စုတစ်ဝန်းရှိ ပြည်သူလူထုသာ အတိဒုက္ခ ဘေး အန္တရာယ်များဖြင့် ကြုံတွေ့ရမည်ဖြစ်ကြောင်း ထည့်သွင်းပြောကြားခဲ့ကြောင်း သိရသည်။