ဖနောင်ပင်၊ စက်တင်ဘာ ၁၁
ကမ္ဘောဒီးယားနိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် (State Visit) ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်သည် ယနေ့ စက်တင်ဘာ ၁၁ ရက် နေ့လယ်ပိုင်းတွင် ဖနောင်ပင်မြို့ရှိ ခမည်းတော်ဘုရင် Norodom Sihanouk ၏ အထိမ်းအမှတ်ကျောက်တိုင်သို့ သွားရောက်၍ လွမ်းသူ့ပန်းခွေချခဲ့သည်။
ထိုသို့ရောက်ရှိစဉ် နိုင်ငံတော်သမ္မတအား ကမ္ဘောဒီးယားနိုင်ငံ နန်းတွင်းရေးရာဝန်ကြီးဌာနမှ တာဝန်ရှိသူက ကြိုဆိုနှုတ်ဆက်ခဲ့ပြီးနောက် နိုင်ငံတော်သမ္မတက ခမည်းတော်ဘုရင် Norodom Sihanouk ၏ အထိမ်းအမှတ်ကျောက်တိုင်၌ လွမ်းသူ့ပန်းခွေချ၍ ဂါရဝပြုခဲ့သည်။