စနေနေ့က ကျင်းပခဲ့သော ကုလသမဂ္ဂ အထွေထွေညီလာခံ၌ ထိုင်းနှင့် ကမ္ဘောဒီးယား နှစ်နိုင်ငံသည် အပြန်အလှန် ပြင်းပြင်းထန်ထန် စွပ်စွဲပြစ်တင်မှုများ ပြုလုပ်ခဲ့ကြရာ၊ အရှေ့တောင်အာရှ အိမ်နီးချင်းနှစ်နိုင်ငံအကြား ပျ-က်စီးလွယ်သော ငြိမ်းချမ်းရေးကို ခြိ-မ်းခြေ-ာက်နေသည့် တင်းမာမှုများ မြင့်တက်လာနေသော နယ်စပ်ရေးရာနှင့် ပတ်သက်၍ လုံးဝကွဲပြားခြားနားသော အမြင်များကို တင်ပြခဲ့ကြသည်။
၈၀ ကြိမ်မြောက် ကုလသမဂ္ဂ အထွေထွေညီလာခံ အထွေထွေဆွေးနွေးပွဲ၏ ပဉ္စမနေ့တွင် မိန့်ခွန်းပြောကြားရာ၌ ထိုင်းနိုင်ငံခြားရေးဝန်ကြီး ဆီဟာဆတ် ဖောင်ခက်ကီယို(Sihasak Phuangketkeow) က ကမ္ဘောဒီးယားအပေါ် မျှော်လင့်မထားသော ပြင်းထန်သည့် ပြ-စ်တင်ဝေဖန်မှု ပြုလုပ်ခဲ့သည်။ ထိုနေ့အစောပိုင်းတွင် ကမ္ဘောဒီးယားဖက်မှပြောကြားခဲ့သော “နောင်တရဖွယ် မှတ်ချက်များ” ကြောင့် မူလမိန့်ခွန်းကို ပြန်လည်ပြင်ဆင်ရေးသားရန် သူ့အား ဖိအားပေးခံရသည်ဟုလည်း သူကထည့်သွင်း ပြောကြားခဲ့သည်။
ကမ္ဘောဒီးယား ဒုတိယဝန်ကြီးချုပ်နှင့် နိုင်ငံခြားရေးဝန်ကြီး ပရာ့ခ် စိုခွန်း (Prak Sokhonn) က ထိုင်းနိုင်ငံသည် ကမ္ဘောဒီးယား အရပ်သားများကို အတင်းအကျပ်နှင်ထုတ်ခြင်း၊ ကမ္ဘောဒီးယားပိုင်နက်နယ်မြေပေါ်တွင် ပြည်တွင်းဥပဒေများ ချမှတ်ရန် ခြိ-မ်းခြေ-ာက်ခြင်း၊ နယ်စပ်အငြင်းပွားမှုများကို သဘောတူထားသည့် စနစ်များဖြင့် ကိုင်တွယ်ဖြေရှင်းမည့်အစား အင်အားသုံးဖြေရှင်းခြင်းတို့ပြုလုပ်သည်ဟု စွပ်စွဲပြောကြားခဲ့ပြီးနောက် ဤသံတမန်ရေးရာ ထိပ်တို-က်ရင်ဆိုင်မှု ပေါ်ပေါက်လာခြင်းဖြစ်သည်။
Ref: khaosod