မနီလာ၊ဒီဇင်ဘာ ၆
ဖိလစ်ပိုင်၊အမေရိကနှင့်ဂျပန်တို့၏ လက်နက်ကိုင်တပ်ဖွဲ့များသည် တောင်တရုတ်ပင်လယ်ရှိ မနီလာ၏ သီးသန့်စီးပွားရေးဇုန်အတွင်း ရေကြောင်းပူးပေါင်းဆောင်ရွက်မှုကို သောကြာနေ့ကပြုလုပ်ခဲ့ကြောင်း အမေရိကန်၏ အင်ဒိုပစိဖိတ်စစ်ဌာနချုပ်ကပြောကြားခဲ့သည်။
အဆိုပါစစ်ရေးလေ့ကျင့်မှုသည် ကာကွယ်ရေးနည်းဗျူဟာများ၊နည်းစနစ်များနှင့် လုပ်ထုံးလုပ်နည်းများ အပြန်အလှန်ပူးပေါင်းဆောင်ရွက်မှုကို အားကောင်းစေရန်ရည်ရွယ်ကြောင်း အမေရိက၏အင်ဒိုပစိဖိတ်စစ်ဌာနချုပ်ကထုတ်ပြန်ချက်တွင်ဖော်ပြထားသည်။
တောင်တရုတ်ပင်လယ်ရှိ အငြင်းပွား စကော်ဘိုရိုရေတိမ်သောင်ခုံတွင် ဖိလစ်ပိုင်နှင့်တရုတ်တို့အကြား နောက်ဆုံးဖြစ်ပေါ်ခဲ့သည့်ရေကြောင်းဆိုင်ရာအငြင်းပွားမှုအပြီး နှစ်ရက်အကြာတွင် ယခုလှုပ်ရှားမှုဖြစ်ပေါ်လာခြင်းလည်းဖြစ်သည်။
အငြင်းပွားကမ်းရိုးတန်းရှိ မနီလာ၏ငါးဖမ်းသင်္ဘောတစ်စင်းကို တရုတ်ကမ်းခြေစောင့်သင်္ဘောများက ရေအမြောက်များဖြင့်ပစ်ခတ်ခဲ့ကြောင်း ဖိလစ်ပိုင်က စွပ်စွဲခဲ့သည်။သို့သော်တရုတ်နိုင်ငံက ၎င်း၏လုပ်ရပ်များသည် ဥပဒေနှင့်ကိုက်ညီကြောင်း အခိုင်အမာပြောကြားခဲ့သည်။
Source : ဘန်ကောက်ပို့စ်