တိုကျို၊ စက်တင်ဘာ ၂၃
ဂျပန်နိုင်ငံ ကန်တိုဒေသသို့ တိုက်ဖွန်းမုန်တိုင်း ဒူဂျွမ် (Dujuan) ဝင်ရောက်တိုက်ခတ်ပြီး မိုးသည်းထန်စွာရွာသွန်းမှုကြောင့် တိုကျိုမြို့အနီးတစ်ဝိုက်တွင် လူကိုးဦး ေ-သဆုံးပြီး လေးဦး ပျေ-ာက်ဆုံးနေကြောင်း ဒေသဆိုင်ရာအာဏာပိုင်များ၏ နောက်ဆုံးထုတ်ပြန်ချက်များအရ သိရသည်။
စက်တင်ဘာ ၂၃ ရက် ဒေသစံတော်ချိန် နံနက် ၈ နာရီအထိ ရရှိထားသည့် စာရင်းများအရ တိုကျိုမြို့အရှေ့ဘက် ချီဘာစီရင်စုတွင် ခြောက်ဦးနှင့် ကာနာဂါဝါစီရင်စုတွင် သုံးဦး ေ-သဆုံးခဲ့သည်။ စီရင်စုနှစ်ခုတွင် ပျေ-ာက်ဆုံးသူ နှစ်ဦးစီရှိပြီး ကာနာဂါဝါစီရင်စု၌ တစ်ဦး အပြင်းအထန်ဒ-ဏ်ရာရရှိထားသည်။
တိုက်ဖွန်း ဒူဂျွမ်သည် စက်တင်ဘာ ၂၁ ရက်တွင် ကန်တိုဒေသသို့ ချဉ်းကပ်လာခဲ့ပြီး မိုးသည်းထန်စွာရွာသွန်းမှုကြောင့် မြေပြိုမှုနှင့် ရေကြီးရေလျှံမှုများ ဖြစ်ပွားခဲ့သည်။ ချီဘာ၊ ကာနာဂါဝါနှင့် အီဘာရာကီစီရင်စုများတွင် နေအိမ် ၅၀၀ ခန့် ပျ-က်စီးခဲ့ကြောင်း NHK ကို ကိုးကား၍ ဖော်ပြထားသည်။
ယခုနှစ် ဂျပန်နိုင်ငံ၏ အမှတ်စဉ် (၂၅) တိုက်ဖွန်းဖြစ်သည့် ဒူဂျွမ်သည် စက်တင်ဘာ ၂၂ ရက် ညပိုင်းတွင် ဂျပန်နိုင်ငံ၏ ပစိဖိတ်ကမ်းရိုးတန်းမှ အရှေ့မြောက်ဘက်သို့ ရွေ့လျားသွားခဲ့ကြောင်း ဂျပန်မိုးလေဝသဌာနက ထုတ်ပြန်ထားသည်။
မုန်တိုင်း၏အရှိန်ကြောင့် ဂျပန်နိုင်ငံအရှေ့ပိုင်း ဒေသအချို့၌ စံချိန်တင်မိုးရွာသွန်းမှုများ ဖြစ်ပေါ်ခဲ့ပြီး အချို့နေရာများတွင် ၄၈ နာရီအတွင်း မိုးရေချိန် ၈၀၀ မီလီမီတာကျော်အထိ ရွာသွန်းခဲ့သည်။
ထို့ပြင် စက်တင်ဘာ ၂၁ ရက်က ကာနာဂါဝါစီရင်စု ယိုကိုဟားမားမြို့ရှိ ENEOS ကုမ္ပဏီပိုင် ရေနံချက်စက်ရုံတစ်ခုတွင်လည်း ရေနံယိုစိမ့်မှု ဖြစ်ပွားခဲ့ကြောင်း ဂျပန်သယ်ယူပို့ဆောင်ရေးဝန်ကြီးဌာနက ပြောကြားထားသည်။
တိုက်ဖွန်း ဒူဂျွမ်သည် ဂျပန်နိုင်ငံ၏ ငါးရက်ကြာ Silver Week အားလပ်ရက်ကာလအတွင်း ဝင်ရောက်ခဲ့ခြင်းဖြစ်ပြီး ဂျပန်ဈေးကွက်များကို စက်တင်ဘာ ၂၄ ရက်တွင် ပြန်လည်ဖွင့်လှစ်မည်ဖြစ်သည်။
Ref: The Straits Times / Bloomberg / Jiji