တရုတ်၊ ရုရှား၊ အိန္ဒိယနိုင်ငံတို့အပါအဝင် နိုင်ငံပေါင်းများစွာက နိုင်ငံတော်သမ္မတ ဦးမင်းအောင်လှိုင်ထံပေးပို့သည့် ဂုဏ်ယူဝမ်းမြောက်ကြောင်း သဝဏ်လွှာများကို ပြည်ထောင်စုလွှတ်တော်၌ မှတ်တမ်းတင်

တရုတ်၊ ရုရှား၊ အိန္ဒိယနိုင်ငံတို့အပါအဝင် နိုင်ငံပေါင်းများစွာက နိုင်ငံတော်သမ္မတ ဦးမင်းအောင်လှိုင်ထံပေးပို့သည့် ဂုဏ်ယူဝမ်းမြောက်ကြောင်း သဝဏ်လွှာများကို ပြည်ထောင်စုလွှတ်တော်၌ မှတ်တမ်းတင်ခဲ့သည်။

ဇွန် ၄ ရက်နံနက် ၁၀ နာရီက နေပြည်တော်ရှိ လွှတ်တော်အဆောက်အအုံ ပြည်ထောင်စုလွှတ်တော်အစည်းအဝေးခန်းမ၌ကျင်းပသော တတိယအကြိမ်ပြည်ထောင်စုလွှတ်တော် ဒုတိယပုံမှန်အစည်းအဝေး ပထမနေ့တွင် မှတ်တမ်းတင်ခဲ့ခြင်းဖြစ်သည်။

နိုင်ငံတော်သမ္မတ ဦးမင်းအောင်လှိုင်ထံသို့ ဂုဏ်ယူဝမ်းမြောက်ကြောင်း သဝဏ်လွှာများကို တရုတ်နိုင်ငံသမ္မတ မစ္စတာရှီကျင့်ဖျင်၊ ရုရှားနိုင်ငံသမ္မတ မစ္စတာဗလာဒီမာပူတင်၊ အိန္ဒိယနိုင်ငံ ဝန်ကြီးချုပ်ရှရီ နာရန်ဒရာမိုဒီ၊ ပါကစ္စတန်နိုင်ငံသမ္မတ မစ္စတာ အဇစ်အလီဇာဒါရီ၊ ဘယ်လာရုစ်နိုင်ငံသမ္မတ မစ္စတာအလက်ဇန္ဒား လူကာရှန်ကို၊ အီရန်နိုင်ငံသမ္မတ H.E. Dr. Masoud PEZESHKIAN၊ ကာဇက်စတန်နိုင်ငံသမ္မတ မစ္စတာကာစင် ဂျိုမတ်တိုခါယက်ဗ်၊ အီသီယိုးပီးယားနိုင်ငံသမ္မတ H.E.Taye Atske-Selassie၊ အယ်လ်ဂျီးရီးယားနိုင်ငံသမ္မတ H.E. Mr.Abdelmadjid Tebboune ၊ နီပေါနိုင်ငံသမ္မတမစ္စတာရမ်ချန် ဒရာပေါ်ဒဲလ်တို့က ပေးပို့ခဲ့ကြသည်။

ထို့ပြင် လာအိုနိုင်ငံသမ္မတမစ္စတာ ထောင်လွန်းဆီဆုလစ်၊ ကမ္ဘောဒီးယားနိုင်ငံဘုရင်မင်းမြတ် ပရယ်ဘတ် ဆမ်ဒက်ပရယ် ဘိုရိုနစ်နိုရိုဒွန် သီဟာမိုနီ၊ ဘရူနိုင်းနိုင်ငံဘုရင်မင်းမြတ် ဆူလ်တန်ဟာဂျီဟာဆာနာလ် ဘိုလ်ကီးယား မူအစ်ဇာဒင် ဝါဒူလာ၊ ထိုင်းနိုင်ငံဝန်ကြီးချုပ် Anutin Charnvirakul၊ နီကာရာဂွါနိုင်ငံ ပူးတွဲသမ္မတနှင့်ဇနီး မစ္စတာ ဒန်နီရယ်အော်တီဂါ ဆာဗေဒရာနှင့် မစ္စစ်ရိုဆာရီ ယိုမူရီလို၊ ဘူတန်ဘုရင့်နိုင်ငံဝန်ကြီးချုပ် ဒါရှိုရှားရင်းတော့ဘ်ဂေးတို့ကလည်း ပေးပို့ခဲ့ကြသည်။

ထို့အတူ ကမ္ဘောဒီးယားနိုင်ငံအထက်လွှတ်တော်ဥက္ကဋ္ဌ ဆမ်ဒက်အာခါမိုဟာ ဆီနာပါတိုင်း တဲ့ချိုဟွန်ဆင်၊ နီကာရာဂွါနိုင်ငံ အမျိုးသားလွှတ်တော်ဥက္ကဋ္ဌ ဒေါက်တာ ဂူစတာဗိုပေါရပ်စ်၊ ထိုင်းနိုင်ငံ ဒု-ဝန်ကြီးချုပ်နှင့် နိုင်ငံခြားရေးဝန်ကြီးမစ္စတာ Sihasak Phuangketkeow ၊ ရုရှားနိုင်ငံလုံခြုံရေးကောင်စီအတွင်းရေးမှူးမစ္စတာ ဆာဂေးရွှိုင်းဂူ၊ တပ်မတော်ဦးစီးချုပ်နှင့် ကာကွယ်ရေးဝန်ကြီးဌာန ဒု-ဝန်ကြီး(၁)ဗိုလ်ချုပ်ကြီးဂါရာစီမော့ဗ်၊ ဘူရားတီးရားပြည်နယ်အကြီးအကဲနှင့် အစိုးရအဖွဲ့ဥက္ကဋ္ဌ မစ္စတာ အလက်စီ ဆမ်ဘူယဲဗစ်စီဂျယ်နော့ဗ်တို့ကလည်း ပေးပို့ခဲ့ကြသည်။

ထို့ပြင် ကာလ်မီးကီယာပြည်နယ်အကြီးအကဲမစ္စတာ ဘာတူခါစီကော့စ်၊ တာတာစတန်ပြည်နယ်အကြီးအကဲ မစ္စတာရုစတမ် မီနီခါနော့ဗ်၊ သမ္မတ၏အကြံပေးပုဂ္ဂိုလ် မစ္စတာအန်တွန်ကိုဗျာကော့ဗ်၊ နိုဗိုစီဗစ်ဒေသအုပ်ချုပ်ရေးမှူး မစ္စတာတာရာ့ နီကော့ဗ်အန်ဒရေအလက်ဇန်ဒရိုဗစ်ချ်၊ စိန့်ပီတာစဘတ်အုပ်ချုပ်ရေးမှူး မစ္စတာအလက်ဇန်းဒါးဘယ်ဂ်လော့နှင့် စိန့်ပီတာစဘတ်အစိုးရအဖွဲ့ဝင် ပြည်ပဆက်ဆံရေးကော်မတီဥက္ကဋ္ဌ မစ္စတာရယ်ဂန်းနီ ဂရီဂေါရက်ဖ်တို့ကလည်း ပေးပို့ခဲ့ကြသည်။