ရန်ကုန်၊ သြဂုတ်-၉
လေးနှစ်ကျော်ပိတ်ထားသည့် ဆူးလေရှန်ဂရီလာဟိုတယ်ကို ပြန်ဖွင့်ပြီဖြစ်ကြောင်း ဟိုတယ်ဝန်ထမ်းများ၏ ပြောပြချက်အရ သိရသည်။
အဆိုပါဟိုတယ်ကို ၂၀၂၆ ခုနှစ် ဇန်နဝါရီလကစပြီး ပြန်လည်ဖွင့်လှစ်ခဲ့ခြင်းဖြစ်ကြောင်း သိရသည်။
ကနဦးတွင် အဆောက်အဦးတစ်ခုလုံးကိုပြန်မဖွင့်သေးဘဲ အောက်ထပ်တစ်ထပ်တည်းရှိ အစားအသောက်တန်းကိုသာ နေ့စဉ် နံနက် ၁၁ နာရီမှ ည ၉ နာရီအထိ ဖွင့်လှစ်ခဲ့ကာ၊ ပြင်ဆင်မှုများပြုလုပ်ပြီးဖြစ်သည့်အတွက် ဟိုတယ်ကို ပြန်ဖွင့်ခဲ့ကြောင်း သိရသည်။
ဆူးလေရှန်ဂရီလာဟိုတယ်ကို ၂၀၂၁ ခုနှစ် ဇန်နဝါရီလကတည်းက ပိတ်ထားခဲ့ခြင်းဖြစ်ပြီး ဟိုတယ်နှင့်ဆက်စပ်သည့် Sule Square Mall & Office Shangri-La Residences ကိုဆက်လက်ဖွင့်ထားခဲ့သည်။
ရန်ကုန်မြိုလယ်ရှိ ဆူးလေရှန်ဂရီလာဟိုတယ်တွင် အခန်းပေါင်း ၄၆၆ ခန်းရှိပြီး ယခင်က ကုန်သည်ကြီးများဟိုတယ်အမည်ဖြင့် ဟိုတယ်ဝန်ဆောင်မှုများပေးခဲ့ကာ ၂၀၁၄ ခုနှစ်တွင် ဟောင်ကောင်အခြေစိုက် ရှန်ဂရီလာအုပ်စုက ဆူးလေရှန်ဂရီလာအမည်ဖြင့် ပြောင်းလဲလုပ်ကိုင်ခဲ့သည်။