ဆာဘီးယားနိုင်ငံ နိုဘီဆက်ဒ်မြို့ရှိ မီးရထားဘူတာရုံဝင်ပေါက်အမိုး ပြို-ကျသဖြင့် လူ ၁၄ ဦး ေ-သဆုံးခဲ့ပြီး ကယ်ဆယ်ရေးသမားများက သောကြာနေ့တွင် အဆောက်အအုံအပျက်အစီးပုံများကို ဖယ်ရှားရှင်းလင်းကာ အသက်ရှင်သန်ဖွယ်ရှိသူများကို ရှာဖွေကယ်ထုတ်ခဲ့ကြသည်။
ဒါဇင်နှင့်ချီသော ကယ်ဆယ်ရေးသမားများနှင့် ဆောက်လုပ်ရေးလုပ်သားများသည် ကရိန်းနှင့် ဘူဒိုဇာများ၏ အကူအညီဖြင့် အပျက်အစီးအပိုင်းအစများကို ဖယ်ရှားရှင်းလင်းခဲ့ကြပြီး အနီးအနားတွင် ဆရာဝန်များနှင့်သူနာပြုများသည် အရေးပေါ်လူနာတင်ယာဉ်များဖြင့် စောင့်ဆိုင်းနေခဲ့ကြသည်။
မြို့တော် ဘဲလ်ဂရိတ်အနောက်မြောက်ဘက် မိုင် ၄၀ အကွာရှိ မြို့တွင် သောကြာနေ့ မွန်းတည့်ချိန်ခန့်က ၁၁၅ ပေအလျားရှိ အမိုးပြို-ကျခဲ့ခြင်းဖြစ်သည်။
အပျက်အစီးပုံများအောက်မှ ရုပ်အလေ-ာင်းများကို မွန်းလွဲချိန်မှ ညနေပိုင်းအထိ ဆွဲထုတ်ယူခဲ့ရကြောင်း သိရသည်။
မွန်းလွဲကာစလောက်တွင် အပျက်အစီးများအောက်ပိတ်မိနေသည့် အမျိုးသမီးနှစ်ဦးကို ကယ်ဆယ်ရေးသမားများက ကယ်ထုတ်နိုင်ခဲ့ကြောင်း၊ သူတို့နှစ်ဦး၏ အခြေအနေမှာ စိုးရိမ်ရကြောင်း Vojvodina ဆေးကုသရေးဌာန အကြီးအကဲ ဗက်စ်နာ တာကူလော့ဗ်က ပြောကြားခဲ့သည်။
ကွန်ကရစ်များ၏ အလေးချိန်ကြောင့် ရှာဖွေကယ်ဆယ်ရေး လုပ်ငန်းစဉ်သည် အလုပ်ရှုပ်ခဲ့ရပြီး ညပိုင်းအချိန်အထိ ဆက်လက်လုပ်ဆောင်ရသည်ဟု ပြည်ထဲရေးဝန်ကြီးဌာန အရေးပေါ် စီမံခန့်ခွဲရေးဗဟိုဌာနအကြီးအကဲ လူကာကောဆစ်က ပြောဆိုသည်။
အခင်းဖြစ်စဉ်အတွင်း ေ-သဆုံးသူဦးရေ များစွာ ထပ်တိုးလာမည်ဟု သူ မမျှော်လင့်ကြောင်း ပြည်ထဲရေးဝန်ကြီး အိုင်ဗီကာ ဒါစစ်က Tanjug သတင်းဌာနကို ပြောဆိုခဲ့သည်။
ေ-သဆုံးခဲ့သူများအနက် ငါးဦးကို မည်သူမည်ဝါဖြစ်ကြောင်း မဖော်ထုတ်နိုင်သေးဟု ဆာဘီးယားသမ္မတ အလက်ခ်ဆန်ဒါ ဗူဆစ်က ပြောဆိုပြီး ယခုဖြစ်ရပ်အတွက် တရားမျှတမှု ရှိစေရမည်ဟု ကတိပြုခဲ့သည်။
ရေရာတိကျစွာ ပြောနိုင်ခြင်းမရှိသေးကြောင်းနှင့် ယခုဖြစ်ရပ်တွင် တာဝန်ရှိသည့်သူအားလုံးကို အပြစ်ပေးသွားရန် ဆာဗီးယားသမ္မတတစ်ယောက်အနေဖြင့် မိမိတောင်းဆိုကြောင်း သူက ပြောဆိုခဲ့သည်။
Ref: ဘန်ကောက်ပို့စ်