စုပေါင်းရဟန်းခံရှင်ပြု အလှူတော်မင်္ဂလာကို စစ်ကိုင်းတိုင်းဒေသကြီးအစိုးရအဖွဲ့က မေလ (၁၀) ရက်၊ မွန်းလွဲပိုင်းက မုံရွာမြို့၊ ချင်းတွင်း ခန်းမတွင် ကျင်းပခဲ့ကြောင်း သိရသည်။
ဒုလ္လဘ ရဟန်းခံ (၅၉)ဦး၊ မောင်ရင်လောင်း(၄၉)ဦး စုစုပေါင်း (၁၀၈) ဦးတို့အားစစ်ကိုင်းတိုင်းဒေသကြီး အစိုးရအဖွဲ့က စုပေါင်းရဟန်းခံရှင်ပြုပေးခြင်းဖြစ်သည်။
စုပေါင်းရဟန်းခံရှင်ပြု အလှူတော်မင်္ဂလာသို့ တိုင်းဒေသကြီး ဝန်ကြီးချုပ် ဦးမြတ်ကျော် နှင့်ဇနီး၊ တိုင်းဒေသကြီး တရားသူကြီး ချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များ နှင့်ဇနီးများ၊ တိုင်းဒေသကြီး/ ခရိုင်/ မြို့နယ် အဆင့်ဌာနဆိုင်ရာများ၊ ဒုလ္လဘရဟန်းခံနှင့် မောင်ရင်လောင်းများ၏ မိသားစုဝင်များ တက်ရောက်ကြသည်။
ဆံချခြင်းမင်္ဂလာကို ဦးစွာပြုလုပ်ပြီး ဒုလ္လဘရဟန်းခံမည့် ပု ဂ္ဂိုလ်(၅၉)ဦး၊ မောင်ရင်လေ-ာင်း(၄၉)ဦး စုစုပေါင်း (၁၀၈)ဦးတို့အား ရှင်သာမဏေပြုပေးခဲ့ခြင်း ဖြစ်သည်။
ရှင်သာမဏေပြုမင်္ဂလာကို “နမောတဿ”သုံးကြိမ်ရွတ်ဆို ဘုရားကန်တော့ဖွင့်လှစ်ပြီး မုံရွာမြို့၊ တော်ဝင်ဘုံစံကျောင်းတိုက် ပဓာနနာယကဆရာတော် ဘဒ္ဒန္တနန္ဒိယ ဆရာတော်ထံမှ ငါးပါးသီလခံယူဆောက်တည်ကြပြီး ရှင်သာမဏေပြုခြင်းကိစ္စရပ်များ ဆက်လက် ဆောင်ရွက်နိုင်ပါရန် အခမ်းအနား မှူးမှ တော်ဝင်ဘုံစံကျောင်းတိုက် ဆရာတော်ထံ လျှောက်ထားလွှဲပြောင်းသည်။
ထို့နောက် ဆရာတော်နှင့် ပင့်သံဃာဆရာတော်များ၊ တိုင်းဒေသကြီး ဝန်ကြီးချုပ် နှင့်ဧည့်ပရိသတ်များက အခမ်းအနားအား “ဗုဒ္ဓသာသနံစိရံတိဌတု”သုံးကြိမ်ရွတ်ဆို ဆုတောင်းကာ အခမ်းအနားကို ရုပ်သိမ်းကြသည်။
ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူ များကစုပေါင်း ရဟန်းခံရှင်ပြု မင်္ဂလာတွင် တိုင်းဒေသကြီး/ ခရိုင်/ မြို့နယ် အထွေထွေအုပ်ချုပ်ရေး ဦးစီးဌာနနှင့် လုံခြုံရေးတပ်ဖွဲ့ဝင်များ၏ မိသားစုဝင်များအား မြေပဲဆီသန့် (၅၀) ကျပ်သားစီအား အခမဲ့ပေးဝေခဲ့သည်။