တိုကျို၊ ဇူလိုင် ၂၉
ဂျပန်နိုင်ငံတောင်ပိုင်းတွင် လှုပ်ခတ်ခဲ့သော အင်အား ၇ ဒသမ ၁ ရှိ ငလျင်ကြောင့် ေ-သဆုံးသူ ၁၃ ဦးအထိ မြင့်တက်လာပြီး ထောင်နှင့်ချီသော နေအိမ်များတွင် လျှပ်စစ်ဓာတ်အား ပြ-တ်တေ-ာက်ခြင်း၊ လမ်းများ ကွဲအက်ပျ-က်စီးခြင်းတို့ ဖြစ်ပေါ်ခဲ့ရာ ကယ်ဆယ်ရေးအဖွဲ့များက ပျေ-ာက်ဆုံးနေသူများကို အရှိန်မြှင့် ရှာဖွေလျက်ရှိကြောင်း သိရသည်။
ငလျင်လှုပ်ခတ်ပြီးနောက် ကူမာမိုတိုမြို့အနီး တစ်စိတ်တစ်ပိုင်း ပြိုကျခဲ့သည့် ဈေးဝယ်စင်တာအတွင်းမှ လူရှစ်ဦးကို အသက်ရှင်လျက် ကယ်တင်နိုင်ခဲ့သော်လည်း အလုပ်သမား ၂၀ မှ ၃၀ ဦးခန့် ပျေ-ာက်ဆုံးနေဆဲဖြစ်ကြောင်း NHK သတင်းဌာနက ဖော်ပြသည်။
ဝန်ကြီးချုပ် ဆနားအဲ တာကာအိချိက “ကယ်ဆယ်ရေးကို စောင့်ဆိုင်းနေသူများ ရှိနေဆဲဖြစ်သဖြင့် အချိန်လုဆောင်ရွက်နေရသည်။ မြေပြင်ရှိ အရင်းအမြစ်အားလုံးကို အသုံးချ၍ လူများနိုင်သမျှများများကို ဘေးကင်းစွာ ကယ်တင်နိုင်ရေး ဆောင်ရွက်သွားမည်” ဟု ပြောကြားခဲ့သည်။
ပြိုကျသည့် ဈေးဝယ်စင်တာတွင် ဓာတ်ငွေ့ပေ-ါက်ကွဲမှု ဖြစ်ပွားခဲ့နိုင်ခြေရှိ၊ မရှိကို အာဏာပိုင်များက စုံစမ်းစစ်ဆေးလျက်ရှိပြီး ကယ်ဆယ်ရေးသမားများက အဆောက်အအုံအတွင်း ဓာတ်ငွေ့အနံ့ ရရှိခဲ့ကြောင်း ဂျပန်အစိုးရ၏ ထိပ်တန်းပြောရေးဆိုခွင့်ရှိသူ မီနိုရူ ကီဟာရာက ပြောကြားသည်။
အရေးပေါ် မီးသတ်နှင့် ကယ်ဆယ်ရေးတပ်ဖွဲ့ဝင်များ၊ ရဲတပ်ဖွဲ့နှင့် တပ်မတော်အင်အားများက အပျ-က်အစီးနေရာများတွင် ရှာဖွေကယ်ဆယ်ရေးလုပ်ငန်းများ ဆက်လက်ဆောင်ရွက်နေပြီး ပြန်လည်ထူထောင်ရေးလုပ်ငန်းများတွင် ကူညီရန် တပ်မတော်သား ၄,၅၀၀ ကျော်ကို ဖြန့်ကျက်ချထားကြောင်း သိရသည်။
ထို့ပြင် နီပွန်စက္ကူစက်ရုံ၌ မီးခိုးခေါင်းတိုင် ပြိုကျမှုကြောင့် လူခုနစ်ဦး ပျေ-ာက်ဆုံးနေပြီး လေးဦး ပြင်းထန်စွာ ဒ-ဏ်ရာရရှိခဲ့ကြောင်း ဒေသဆိုင်ရာအာဏာပိုင်များက ထုတ်ပြန်ထားသည်။ ဆေးရုံများတွင်လည်း ဒ-ဏ်ရာရရှိသူ အများအပြားကို ကုသပေးလျက်ရှိသည်။
အာဏာပိုင်များသည် လူပေါင်း ၂၆၀,၀၀၀ ခန့်ကို ကယ်ဆယ်ရေးစင်တာများသို့ ရွှေ့ပြောင်းရန် ညွှန်ကြားထားပြီး ငလျင်လှုပ်ခတ်မှုအပြီး အရေးပေါ်ဖုန်းခေါ်ဆိုမှု ၃၈၆ ခုကို လက်ခံရရှိခဲ့ကြောင်း သိရသည်။ ငလျင်၏ ဗဟိုချက်မှာ လူဦးရေ ခုနစ်သိန်းခန့်ရှိသည့် ကူမာမိုတိုမြို့၏ တောင်ဘက် ၁၂ မိုင်ခန့်တွင် တည်ရှိခဲ့သည်။
အာဏာပိုင်များက ငလျင်ဒ-ဏ် အပြင်းထန်ဆုံးခံခဲ့ရသည့် ဒေသများတွင် လာမည့်တစ်ပတ်ခန့်အတွင်း နောက်ဆက်တွဲငလျင်များနှင့် မြေပြိုမှုအန္တရာယ်များ ဖြစ်ပေါ်နိုင်သဖြင့် ပြည်သူများအနေဖြင့် အထူးသတိပြုကြရန် သတိပေးထားသည်။
Ref: Reuters
