သက်တော်(၉၉)နှစ်၊ ဝါတော်(၇၉)ဝါအရောက်တွင် ဘဝနတ်ထံပျံလွန်တော်မူခဲ့သည့် ချမ်းမြေ့ဆရာတော်ကြီး၏ ရုပ်ကလာပ်တော်အား ရန်ကုန်တိုင်းလွှတ်တော်ဥက္ကဋ္ဌဦးဌေးအောင်နှင့် တာဝန်ရှိသူများက ယနေ့ စက်တင်ဘာ ၂၂ ရက်မွန်းလွဲ ၂ နာရီခွဲတွင် ဖူးမြှော်ကြည်ညိုခဲ့ကြကြောင်း သိရသည်။
ချမ်းမြေ့ဆရာတော်ကြီး၏ ရုပ်ကလာပ်တော်အား ရန် ကုန်တိုင်း၊ မရမ်းကုန်းမြို့နယ်၊ ကမ္ဘာအေးဘုရားလမ်းရှိ ချမ်းမြေ့ရိပ်သာကျောင်း၌ အပူဇော်ခံထားကာ ရန်ကုန် တိုင်းလွှတ်တော်ဥက္ကဋ္ဌက ဆရာတော်ကြီးအန္တိမဈာပန အခမ်းအနားကျင်းပနိုင်ရေးအတွက် အလှူငွေများလှူ ဒါန်းခဲ့ကြောင်း သိရသည်။
ချမ်းမြေ့ဆရာတော်ကြီး၏ အန္တိမဈာပနပူဇော်ပွဲကို နိုင်ငံတော်အဆင့်ကျင်းပမည်ဖြစ်ကာ စက်တင်ဘာ ၂၅ ရက်မွန်းလွဲ ၂ နာရီတွင် ဆရာတော်ကြီး၏ရုပ်ကလာပ်တော်ကို သင်္ဃန်းကျွန်းမြို့နယ်၊ သံသုမာလမ်းရှိ သုဝဏ္ဏဘူမိ Event Park ၌ပင့်ဆောင်၍ ဆရာတော်၊ သံဃာ တော်များနှင့် ဒါယိကာ၊ ဒါယိကာမများက နောက်ဆုံးဖူးမြော်ပူဇော်ကန်တော့ကြမည်ဖြစ်ကြောင်း သိရသည်။
ထို့နောက် ချမ်းမြေ့ဆရာတော်ကြီး၏ အန္တိမဈာပနပူ ဇော်ပွဲကို ဆက်လက်ကျင်းပသွားမည်ဖြစ်ကြောင်း သိရသည်။