နန်းဆုရတီစိုးလို့ ပြောလိုက်တာနဲ့ G Fatt ကို ပြေးမြင်ကြသလို၊ G Fatt လို့ ပြောလိုက်တာနဲ့ နန်းဆုရတီစိုးကိုပြေးမြင်မိကြပြီး အနုပညာလောကထဲမှာ လိုက်ဖက်ညီလွန်းလှတဲ့ စုံတွဲတစ်တွဲဖြစ်ကာ ပရိသတ်တွေရဲ့ ချစ်ခင်အားပေးမှုကိုပါ ရရှိထားတဲ့ အတွဲတစ်တွဲလည်း ဖြစ်ပါတယ်။ ၂ဝ၁၈ ထဲမှာ G Fatt က သူလုပ်ချင်တာတွေ အကုန်လုံး လုပ်ခွင့်ရတဲ့အတွက် သူ့အတွက် ဂုဏ်ယူမိတယ်ဆိုတာကို နန်း ဆုရတီစိုးက ”သူကိုယ့် မျက်စိရှေ့မှာတင် ဆုတွေ တစ်ဆုပြီး တစ်ဆုရနေတာ ဒီနှစ်ထဲမှာ သူတော်တော် ကံကောင်းတယ်။ ဝမ်းသာတယ်။ သူ့အတွက် ဂုဏ်ယူတယ်။ သူသည် အလုပ်တွေအများကြီး လုပ်ထားတယ်။ ဒီနှစ်ထဲမှာ သူလုပ်ချင်တဲ့ One Man Show လည်း လုပ်ဖြစ်သွားတယ်။ သူဖြစ်ချင်တာတွေ အကုန်လုံး ဖြစ်လာတယ်၊ ဖြစ်သွားတဲ့အတွက် သူ့အတွက် ဂုဏ်ယူသလို သူ့ကို ပိုပြီးလည်း အားပေးဖြစ်တယ်။ သူ ကကိုယ့်အတွက် ရေးပေးထားတဲ့ သီချင်းကလေး၊ ကိုယ့် ကိုယ်Surprise လုပ်ပေးထားတဲ့ သီချင်းနဲ့ Shwe FM မှာ ဆုရတဲ့အတွက်လည်း နှစ်ယောက် စလုံးအတွက် ပိုပြီးအမှတ်တရဖြစ်တယ်”လို့ ပြောပြခဲ့ပါတယ်။ နှစ်ယောက်ပူးပေါင်းပြီး သီချင်းတွေဖန်တီးဖြစ်ဖို့ရှိသေးတယ်ဆိုတာကိုလည်း ”နန်းဆု တို့ နှစ်ယောက်တွဲသီချင်းလုပ်ဖို့ အစီအစဉ်ရှိပါတယ်။ နှစ်ယောက်ပေါင်းပြီး လုပ်မှာ ဖြစ်တဲ့အတွက် ပိုပြီးတော့ ဂရုစိုက်ရမယ်။ ပိုပြီးတော့ အချိန်ပေးရမယ်။ နှစ်ယောက်လုံးစိတ်တိုင်းကျ၊ အားရဖို့လည်း လိုပါတယ်။ အကြောင်းအရာ၊ အသွား အလာကအစ အကောင်းဆုံးကြိုးစားပြီး ဖန်တီးကြမှာဖြစ်တဲ့အတွက် နည်းနည်းလေး ကြာနေတယ်။ သူမအားတာနဲ့ ကိုယ်မအားတာနဲ့။ လုပ်တော့ လုပ်ပါ့မယ်။ ထွက်လာဖို့လည်း ရှိပါတယ်”လို့ နန်းဆုရတီစိုးက ပြောပြခဲ့ပါတယ်။ ချစ်သူ G Fatt က သရုပ်ဆောင်အလုပ်ကို ပြန်လုပ်ဖို့ တိုက်တွန်းနေတယ်ဆိုတာကို နန်းဆုရတီစိုးက ”အခုက ပွင့်လင်းရာသီဆိုတော့ ရှိုးပွဲတွေများတယ်။ နှစ်ယောက်ပေါင်းပြီးတော့လည်း ပွဲတွေက ခေါ်ကြတော့ ခရီးတွေက ထွက်ဖြစ်တယ်။ အဆိုဘက်ကို ပိုလုပ်ဖြစ်နေတယ်။ အနုပညာအလုပ်နဲ့ပတ်သက်ပြီး နန်းဆု ကို ”သူကလည်း ရုပ်ရှင်ပြန်ရိုက်ဖို့ အားပေးတယ်။ သူက သရုပ်ဆောင်ဘက်ကိုလည်း လုပ်စေချင်နေတယ်။ ပရိသတ်တွေကလည်း ပြန်ရိုက်စေချင်ကြတယ်။ ကိုယ့်ဘက်က အဆင်သင့် မဖြစ်သေးတာကြောင့် မရိုက်ဖြစ်သေးတာပါ”လို့ ပြောပြခဲ့ပါတယ်။ ပျော်ပျော်နေတတ်တဲ့သူဖြစ်တာကြောင့် အရွယ်တင်နုပျို နေတာထင်ပါတယ်ဆိုတာကိုလည်း ”အဓိကက စိတ်နဲ့ ရုပ်နဲ့ စပ်ဆက်နေတာဆိုတော့ စိတ်ကိုရှင်းရှင်းနဲ့ ပျော်ပျော်ရွှင်ရွှင်ပဲထားတယ်။ နန်းဆုက ပျော်ပျော်နေတယ်။ သူငယ်ချင်းတွေ၊ အပေါင်းအသင်းတွေနဲ့တွေ့ရင်လည်း ကိုယ်ကပဲ ရယ်စရာတွေပြောတယ်။ ကိုယ့်ကြောင့်သူတို့တွေ ပျော်ရတယ်။ သူများကိုလည်း ကိုယ်စိတ်ချမ်းသာ အောင်ထားတဲ့အတွက် သူများတွေကလည်း ကိုယ့်ကိုယ် စိတ်ချမ်းသာအောင်ထား တယ်။ အဖေအမေကရော၊ မိတ်ဆွေသူငယ်ချင်းတွေရော၊ ချစ်သူကရော ကိုယ့်ကိုယ်စိတ်ချမ်း သာအောင်ထားကြတယ်။ ပြီးတော့ ပရိသတ်ကလည်း ကိုယ့်ကိုယ်စိတ်ချမ်းသာစေ မယ့်အကြောင်းအရာလေးတွေပဲ ပြောတဲ့အတွက် ပရိသတ်ကြောင့်လည်း စိတ်ချမ်းသာရ တယ်။ အဲဒါကြောင့်မို့ နုနေတာဖြစ်မှာပါလို့ နန်းဆုရတီစိုးက ပြောပြခဲ့ပါတယ်။
ခိုင်ဝါဝင်း၊
ဓာတ်ပုံ – ဇော်ဝင်းအောင်