ဘားအံ၊ သြဂုတ်-၇
ကရင်ပြည်နယ်အတွင်း ၂၀၂၆-၂၀၂၇ ဘဏ္ဍာရေးနှစ် ဧပြီလမှ ဇူလိုင်လအထိ လေးလတာကာလအတွင်း တရားမဝင်ကုန်သွယ်မှု အမှုတွဲ ၇၉ မှုကို ဖမ်းဆီးအရေးယူခဲ့ပြီး စုစုပေါင်း ခန့်မှန်းတန်ဖိုးငွေကျပ် ၁၃ ဒသမ ၄၇၃ ဘီလီယံခန့် ရှိကြောင်း သိရသည်။
အဆိုပါ ဖမ်းဆီးရမိမှုများနှင့် ပတ်သက်သည့် လုပ်ငန်းညှိနှိုင်းအစည်းအဝေးကို ဩဂုတ် ၇ ရက် နံနက်ပိုင်းက ဘားအံမြို့ရှိ ကရင်ပြည်နယ်အစိုးရအဖွဲ့ရုံး၌ ကျင်းပခဲ့သည်။
အစည်းအဝေးတွင် ပြည်နယ်တရားမဝင်ကုန်သွယ်မှုတိုက်ဖျက်ရေးအထူးအဖွဲ့ တာဝန်ရှိသူများက တားဆီးဖမ်းဆီးရေးလုပ်ငန်းများ တိုးမြှင့်ရန်၊ ဖမ်းဆီးရမိသည့် အမှုတွဲများကို ဥပဒေနှင့်အညီ အမြန်ဆုံး ပြီးပြတ်အောင် ဆောင်ရွက်ရန်နှင့် ဖမ်းဆီးရမိ ပစ္စည်းများ ပျ-က်စီးပျေ-ာက်ဆုံးမှု မရှိစေရေး လုပ်ထုံးလုပ်နည်းအတိုင်း ဆောင်ရွက်ရန် ဆွေးနွေးခဲ့ကြသည်။
ထို့ပြင် ဒေသတွင်း ပို့ကုန်နှင့် ကုန်ထုတ်လုပ်မှုကို မထိခိုက်စေဘဲ စစ်ဆေးရေးလုပ်ငန်းများ မှန်ကန်မြန်ဆန်စွာ ဆောင်ရွက်ရေး၊ တာဝန်ကျဌာနဆိုင်ရာများနှင့် အဖွဲ့အစည်းများအနေဖြင့် တရားမဝင် ကုန်သွယ်မှုများတွင် ပါဝင်ပတ်သက်မှုနှင့် လာဘ်ငွေတောင်းခံမှုများ မရှိစေရေး အဓိကထား ထိန်းသိမ်းရန်လည်း ဆွေးနွေးခဲ့ကြသည်။
