ဟာသသရုပ် ဆောင်အနေနဲ့ ရပ်တည်နေတဲ့ ကျော်ထူးက လူရွှင်တော်အနေနဲ့ လည်း ဧရာနဲ့အတူ အတွဲညီညီနဲ့ အချိန်အတော်ကြာ ကပြဖျော်ဖြေခဲ့ တာတွေရှိခဲ့ပါတယ်။ အရင်ခေတ်ကတော့ လူရွှင်တော်ဆိုရင် အတွဲလိုက်တွေ ဖျော်ဖြေတာမျိုးရှိပြီး အခုခေတ်တော့ လှုပ်ရှားမှုတွေကိုတွေ့ရတယ် လို့ကျော်ထူးက ဆိုပါတယ်။ နောက် ပိုင်းမှာ လူရွှင်တော်တွေကြား ပြက်လုံး တွေ ရှားပါးလာခြင်းနဲ့ ပက်သက်လို့လည်း ကျော်ထူးက “ကျွန်တော်တို့လူရွှင်တော်လုပ် တုန်းကဆိုရင် အတွဲတွေနဲ့ပဲရှိတာ ခင်ဗျ။ ဥပမာ- မော့စ်နဲ့မိုးဒီ၊ မေတ္တာ နဲ့ကွမ်းသီး၊ ဆိုနီနဲ့မိုးကျော် ဒီလိုတွေ အတွဲလေးနဲ့သွားကြတယ်။ ကျွန်တော်ကတော့ ဧရာနဲ့အတွဲပေါ့။ ဒီနောက်ပိုင်းမှာဆိုရင် အဖွဲ့လိုက်ဖြစ်ကုန်တယ်။ 5-Star အမေ၊ ဟားတစ်သိုက်၊ ဒီလို Group လေးတွေဖြစ်လာတယ်။ ပျက်လုံးတွေရှားလာတဲ့ အဓိက အကြောင်းအရင်းကလည်း စာဖတ်အားပါပဲ။ ကျွန်တော်တို့ဆီမှာ ဟာသနဲ့ဝမ်းစာရှာတဲ့ လူရွှင်တော် တော်တော်များများက စာပဲမတတ်တာလား၊ စာဖတ်အားပဲ နည်းနေတာလားမသိဘူး။ စာများများဖတ်မှ အတွေ့အကြုံတွေရှိမှ ပျက်လုံးအသစ်တွေ ထွက်လာမယ်။ အခုတော့ Version သဘောမျိုးနဲ့ပဲ ပြန်ပြန် လုပ်နေကျတယ်။ အားနည်းချက်က မရှာကြတော့ဘူး။ မဖွေကြတော့ဘူး။ ဒါကြောင့်နောက်ပိုင်း ပျက်လုံးတွေ ရှားလာတာပါ”လို့ ကျော်ထူးက ပြောပြပါတယ်။
ကျော်ထူးက ဒါရိုက်တာပြည်ဟိန်းသီဟ ရိုက်ကူးတဲ့ဇာတ်ကားမှာ ပါဝင်ရိုက်ကူးလျက်ရှိပါတယ်။ သားသမီး ၄ ယောက်ရှိတဲ့အထဲမှာလည်း ၂ ယောက်က အနုပညာဝါသနာပိုး ပါလာတယ်လို့ ကျော်ထူးက ဆိုပါတယ်။ သားနဲ့သမီးကလည်း အနုပညာဝါသနာပါသလို သူတို့တွေအတွက်လည်း အနုပညာအမွေပေးချင်တဲ့ ကျော်ထူးက “ကျွန်တော့်မှာ သားသမီးလေးယောက်ရှိပါတယ်။ သားအငယ်နဲ့ သမီးက အနုပညာဝါသနာပါကြတယ်။ ဒီအလုပ်က အရင်းအနှီးလိုတယ်။ အနုပညာအရင်းအနှီးရယ်၊ ငွေအရင်းအနှီးရယ် နှစ်မျိုးစလုံးလိုတယ်။ ကိုယ်တွေက ဇာတ်ပို့ဇာတ်ရံဖြစ်တဲ့ အတွက် ရရှိတဲ့ငွေအရင်းအနှီးနဲ့က သူတို့ကို မင်းသား၊ မင်းသမီးဖြစ်ဖို့ မထောက်ပံ့နိုင်တဲ့အတွက် နည်းနည်းတော့ဝေးပါတယ်။ ကျွန်တော်လည်း မြေတောင်မြှောက်ပေးချင်စိတ်ရှိသလို၊ သူတို့ကလည်း တကယ်ကြိုးစားချင်တယ်။ ဒီလိုဖြစ်ချင်ပေမယ့် ကျွန်တော့်မှာ အရင်းအနှီးမရှိဘူး။ နောက်တစ်ခုက မိဘအောင်မြင် တိုင်းသားသမီးအောင်မြင်တာမျိုး မရှိတာတွေလည်းတွေ့ဖူးတယ်။ ကျွန်တော် ဒါပေမဲ့ တစ်ချိန်မဟုတ်တစ်ချိန်တော့ ကျွန်တော်မသေခင် သူတို့လေးတွေအတွက် လုပ်ပေးမှာပါ”လို့ ကျော်ထူးက ပြောပြပါတယ်။
မြတ်မိုးပွင့်
ဓာတ်ပုံ-အောင်ဇော်မင်း