ဩစတြေးလျက အင်ဒိုနှင့် စီးပွားရေး၊ ကာကွယ်ရေးဆက်ဆံမှုများ ပိုမိုနက်ရှိုင်းစေရန် ကြိုးပမ်း

မေ ၁၅

သြစတြေးလျ၏ အသစ်ပြန်လည်ရွေးကောက်ခံရသော ၀န်ကြီးချုပ် အန်သိုနီ အယ်လ်ဘနီးစ်သည် အင်ဒိုနီးရှားသမ္မတ ပရာဘိုဝို ဆူဘီယန်တို နှင့်ကြာသပတေးနေ့တွင် တွေ့ဆုံခဲ့ပြီး၊  ၎င်း၏အနီးနားအိမ်နီးချင်းနိုင်ငံနှင့် စီးပွားရေး၊ ကာကွယ်ရေးဆိုင်ရာ ဆက်ဆံရေးကို ခိုင်မာစေရန် ရည်ရွယ်၍ တွေ့ဆုံခဲ့ခြင်းဖြစ်သည်။

အယ်လ်ဘနီးစ်သည် မေလ ၃ ရက် ရွေးကောက်ပွဲတွင် ထူးထူးခြားခြား အနိုင်ရရှိပြီးနောက် ၎င်း၏အစိုးရသစ်၏ ဒုတိယသုံးနှစ်သက်တမ်းအတွက် ကျမ်းသစ္စာကျိန်ဆိုပြီးနောက် မြို့တော် ဂျကာတာသို့ ဗုဒ္ဓဟူးနေ့ညနေပိုင်းတွင် ရောက်ရှိခဲ့သည်။

“သြစတေးလျအတွက် အင်ဒိုနီးရှားနဲ့ ဆက်ဆံရေးက အရေးကြီးဆုံးဖြစ်တဲ့အတွက် အင်ဒိုနီးရှားကို လာရခြင်းဖြစ်ပါတယ်” ဟု အင်ဒိုနီးရှားသမ္မတပရာဘိုဝို ဆူဘီယန်တိုနှင့် တွေ့ဆုံပြီးနောက် ပူးတွဲသတင်းစာရှင်းလင်းပွဲတွင် ပြောကြားခဲ့သည်။

ဩစတြေးလျ ရွေးကောက်ပွဲ မဲဆွယ်ကာလတွင် လုံခြုံရေးပြဿနာအဖြစ် ပေါ်ပေါက်ခဲ့သည့် အင်ဒိုနီးရှား အရှေ့ပိုင်းပြည်နယ် ပါပူဝါတွင်  တာဝေးပစ် စစ်လေယာဉ်များ အခြေစိုက်ရန် ရုရှားက အင်ဒိုနီးရှားကို ပြောကြားခဲ့သည်အပေါ်တွင် အယ်လ်ဘန်နီးစ်က မီဒီယာများတွင် မှတ်ချက်ပေးခြင်း မရှိကြောင်းသိရသည်။ ရုရှားအခြေစိုက်စခန်းများကို ခွင့်ပြုမည်မဟုတ်ဟု အင်ဒိုနီးရှားက သြစတြေးလျကို ပြောကြားထားသည်။

“ လူ့သမိုင်းမှာ ဖွံ့ဖြိုးမှုအလျင်မြန်ဆုံးနှုန်းနဲ့ ကြီးထွားလာနေတဲ့ ဒေသဖြစ်ပြီး အင်ဒိုနီးရှားဟာ အဲဒီတိုးတက်မှုအတွက် အဓိကကျပါတယ်” ဟု အယ်လ်ဘန်နီးစ်က ပြောကြားခဲ့သည်။ “လာမည့် ဆယ်စုနှစ်ကုန်တွင် အင်ဒိုနီးရှားသည် ကမ္ဘာ့ငွေကြေးစီးပွားရေးအကြီးဆုံး ၅ ခုအထဲသို့ ဝင်ရောက်လာမည်ဟု ခန့်မှန်းထားသည်” ဟု ဆက်လက်ဖော်ပြခဲ့သည်။

ဆူဘီယန်တို သည် အင်ဒိုနီးရှား၏ စီးပွားရေး ပူးပေါင်းဆောင်ရွက်မှုနှင့် ဖွံ့ဖြိုးတိုးတက်ရေး အဖွဲ့၏ အဖွဲ့ဝင်ဖြစ်ရန် နှင့် ပစိဖိတ်ဖြတ်ကျော် စီးပွားရေးပူးပေါင်းဆောင်ရွက်ရေး မိတ်ဖက်ဆက်ဆံရေး ဘက်စုံတိုးတက်ရေး အတွက် ဩစတြေးလျကို အသိအမှတ်ပြုကျေးဇူးတင် ချီးကျူးခဲ့သည်။

အသစ်ရွေးကောက်ခံရသော သြစတေးလျနိုင်ငံ ဝန်ကြီးချုပ်များသည် ပုံမှန်အားဖြင့် အာရှဒေသသို့ ခရီးသွားပြီး အများအားဖြင့် အင်ဒိုနီးရှားကို သွားရောက်ကြသည်။

၂၀၂၂ ခုနှစ် ကျမ်းသစ္စာကျိန်ဆိုပြီးနောက် ၎င်း၏ပထမဆုံး အင်ဒိုနီးရှားခရီးစဉ်တွင် အယ်လ်ဘန်နီးစ် သည် ဒေသခံသြစတြေးလျလူမျိုးများနှင့် ရင်းနှီးသော ဆက်ဆံရေးရှိသည့် တောင်ဆူလာဝေစီ ပြည်နယ်၏မြို့တော် မကာဆာသို့လည်း သွားရောက်ခဲ့သည်။

ပထဝီဝင်အနေအထားအရ အနီးကပ်တည်ရှိနေခြင်းကြောင့် အင်ဒိုနီးရှားနှင့် ဩစတေးလျသည် ယဉ်ကျေးမှုနှင့်လုံခြုံရေး၊ ကာကွယ်ရေးအပါအဝင် အချင်းချင်းနီးစပ်သည့် ဆက်ဆံရေးများကို ရှေးပဝေသဏီကတည်းက ထိန်းသိမ်းလာကြသည်။ ထိုသို့တည်ငြိမ်သော ဆက်ဆံရေးရှိနေသော်လည်း၊ နှစ်နိုင်ငံသည် ဒေသတွင်း၌ အမေရိကနှင့်တရုတ်တို့၏ ယှဉ်ပြိုင်မှုအပေါ် တုံ့ပြန်ဆောင်ရွက်မှုတွင် မတူညီသော လမ်းကြောင်းများကို ရွေးချယ်ထားကြသည်။

အိမ်နီးချင်းနှစ်နိုင်ငံသည် လွန်ခဲ့သည့်နှစ်တွင် ပိုမိုရှုပ်ထွေးသော ပူးပေါင်းလုပ်ဆောင်မှုများနှင့် လေ့ကျင့်ခန်းများကို ခွင့်ပြုပေးမည့် သမိုင်းဝင်ကာကွယ်ရေး ပူးပေါင်းဆောင်ရွက်ရေး သဘောတူညီချက် (DCA) ကို လက်မှတ်ရေးထိုးခဲ့သည်။ ကင်ဘာရာသည်အဆိုပါ သဘောတူညီချက်ကို နှစ်နိုင်ငံဆက်ဆံရေးတွင် “အနက်ရှိုင်းဆုံးနှင့် အထင်ရှားဆုံး” ကာကွယ်ရေးသဘောတူညီချက်အဖြစ် ချီးကျူးခဲ့သည်။

“ဒါက ကျွန်တော်တို့ရဲ့ နိုင်ငံနှစ်နိုင်ငံကြား စီးပွားရေးသာယာဝပြောမှုကို တည်ဆောက်ပြီး ကျွန်တော်တို့ရဲ့ နိုင်ငံအဆင့်နဲ့ ဒေသတွင်းလုံခြုံရေးကို မြှင့်တင်နိုင်မှာပါ” ဟု ဩစတေးလျ ဝန်ကြီးချုပ် အယ်လ်ဘန်နီးစ်က ပြောကြားခဲ့သည်၊ “လွမ်ဘုတ်သဘောတူစာချုပ်ကိုအခြေခံထားပြီး သမုဒ္ဒရာ ရေကြောင်းလုံခြုံရေး၊ အကြမ်းဖက်မှု တန်ပြန်နှိမ်နှင်းရေးအပြင် လူသားချင်းစာနာထောက်ထားမှုဆိုင်ရာ နှင့် သဘာဝဘေးအန္တရာယ်ဆိုင်ရာ ကယ်ဆယ်ရေးတွင် ပူးပေါင်းဆောင်ရွက်မှုအသစ်များကို ဆောင်ရွက်နိုင်မည် ဖြစ်သည်” ဟုလည်းထပ်မံပြောကြားခဲ့သည်။

ပုပ်ရဟန်းမင်းကြီး လီယို (၁၄) ၏ ကျမ်းသစ္စာကျိန်ဆိုပွဲသို့ တက်ရောက်ရန် အယ်လ်ဘန်နီးစ်သည် သောကြာနေ့နံနက်တွင် ရောမမြို့သို့ သွားရောက်မည်ဖြစ်သည်။

Ref:  အေပီ