ယမန်နေ့ မေလ ၂၃ ရက်တွင် အိန္ဒိယနိုင်ငံ၏ပထမဆုံးသော နိုဘယ်လ်စာပေပညာဆုရှင် Gurudev Rabindranath Tagore ၏ ၁၆၄ နှစ်မြောက်မွေးနေ့အထိမ်းအမှတ်အခမ်းအနားအား အိန္ဒိယစင်တာ၌ကျင်းပခဲ့သည်။
အခမ်းအနားတွင် Tagore Jayanti နှင့် ပတ်သက်၍ သံအမတ်ကြီး Abhay Thakur မှ မိန့်ခွန်းပြောကြားကာ Tagore Society Myanmar မှ ကိုယ်စားလှယ် Mr. T.K. Paul, Mrs. Aalo Dass နှင့် Tagore Society မှ အဖွဲ့ဝင်များမှ ဆီးမီးထွန်းညှိခဲ့ပြီး SVCC မှ ကျောင်းသားကျောင်းသူများသည် သီချင်းများ၊ ကဗျာများ၊ စာဆိုများဖြင့် ဖျော်ဖြေတင်ဆက်ခဲ့သည်။
Gurudev Rabindranath Tagore ၏ ၁၆၄ နှစ်မြောက်မွေးနေ့အထိမ်းအမှတ်ဖြစ်သည့် “Jayatu Bharatam Lecture Series” သည် ယမန်နှစ်တွင် အောင်မြင်ခဲ့သော Ramayan Vyakhyanmala Series ပြီးနောက် ဆက်လက်ကျင်းပခြင်းဖြစ်သည်။ အဆိုပါပြီးခဲ့သည့်အစီအစဉ်တွင် ဟောပြောပွဲငါးခုအား မတူကွဲပြားသောမြို့များတွင် ပြုလုပ်ခဲ့သည်။ ရန်ကုန်မြို့တွင် နှစ်ကြိမ်၊ မန္တလေး၊ ဇေယျဝတီနှင့် ကျောက်တခါးတို့တွင် တစ်ကြိမ်စီဖြစ်ပြီး Jayatu Bharatam lecuture series ကိုလည်း ရန်ကုန်မြို့အပြင် ဇေယျာဝတီ၊ ကျောက်တခါး နှင့် မော်လမြိုင် စသည့် မြို့ကြီးများတွင်လည်း ကျင်းပမည်ဟု သိရသည်။
Rabindranath Tagore သည် ကဗျာဆရာအဖြစ်ထက် ယဉ်ကျေးမှု၏ စွမ်းအားကိုယုံကြည်သည့်အမြော်အမြင်ရှိသူဖြစ်ကာ သူ၏အလုပ်နှင့်ကျော်ကြားမှုကြောင့် အာရှ၌ ပထမဆုံး နိုဘယ်ဆုရှင်ဖြစ်လာသည်။
ဂူရူဒက်သည် ၁၉၁၆၊ ၁၉၂၄ နှင့် ၁၉၂၇ ခုနှစ်တွင် ရန်ကုန်သို့ ၃ ကြိမ် လည်ပတ်ခဲ့သေးကြောင်းသိရသည်။ သူ၏ကဗျာနှင့် စာပေအက်ဆေး အများအပြားကို မြန်မာဘာသာသို့ ပြန်ဆိုခဲ့သေးပြီး နိုဘယ်လ်ဆုရခဲ့သော ဂီတင်ဇလီ’Gitanjali’ ကဗျာသည် အိန္ဒိယနိုင်ငံ၏ စိတ်ဝိညာဉ် အသံဖြစ်လာသည်။
Tagore ၏ ဒဿနတွင် သဘာဝတရားနှင့် ကရုဏာစိတ်၊ ငြိမ်းချမ်းမှုနှင့် သဟဇာတဖြစ်မှုတို့သည် မြန်မာတို့၏ ယဉ်ကျေးမှုစံတန်ဖိုးများနှင့် အလွန်တူညီလှသည်။