အာဆီယံသည် အင်အားကြီးနိုင်ငံများ၏ ထင်ရာစိုင်းသည့် လုပ်ရပ်များကြောင့် ဖြစ်ပေါ်လာသည့် ပထဝီနိုင်ငံရေးတင်းမာမှုများကို ခုခံကျော်လွှားရန် လိုအပ်ကြောင်း မလေးရှားဝန်ကြီးချုပ် ဒါတွတ်ဆရီ အန်ဝါ အီဘရာဟင်မ်က ယနေ့(မေလ ၂၆) ရက် နေ့တွင် ပြောကြားလိုက်သည်။
ဒေသသည် အားလုံးပါဝင်မှု၊ တရားဥပဒေစိုးမိုးမှုနှင့် ပွင့်လင်းသော ကုန်သွယ်မှုတို့ကို အမြဲအားထားလက်ကိုင်ပြုကြောင်း၊ သို့ရာတွင် အောင်မြင်မှုများသည် ယခုအခါ ခြိမ်းခြောက်ခံနေရကြောင်း (၄၆) ကြိမ်မြောက် အာဆီယံထိပ်သီးအစည်းအဝေး အဖွင့်မိန့်ခွန်းတွင် အန်ဝါက ပြောကြားခဲ့သည်။
အာဆီယံအတွက် မိမိတို့၏ ငြိမ်းချမ်းရေး၊ တည်ငြိမ်ရေးနှင့် သာယာဝပြောရေးတို့သည် ပွင်းလင်းမြင်သာသော၊ အများပါဝင်သော၊ စည်းမျဉ်းအခြေပြု နိုင်ငံတကာအစီအစဉ်အပေါ် အမှီပြုပြီး လွတ်လပ်စွာကုန်စည်စီးဆင်းမှု၊ ရင်းနှီးမြှုပ်နှံမှုနှင့် လူထုအပေါ် အခြေပြုကြောင်း သူက ပြောကြားခဲ့သည်။
“ဒီအခြေခံ အုတ်မြစ်တွေဟာ မတရားသောလုပ်ရပ်တွေအောက်မှာ ယနေ့ ဖြိုဖျ-က်ခံနေရပါတယ်” ဟု သူက ဆိုသည်။
“သို့သော်လည်း ကျွန်တော်တို့ ရင်ဆိုင်နေရတဲ့ စိန်ခေါ်မှုတွေ၊ မသေချာမရေရာမှု လှိုင်းကြမ်းလေထန်တွေကို အာဆီယံရဲ့ ခိုင်ခန့်မြဲမြံတဲ့စွမ်းအားနဲ့ ကြံ့ကြံ့ခံကျော်ဖြတ်နိုင်ဦးမယ်လို့ အခိုင်အမာ ယုံကြည်ပါတယ်” ဟု အန်ဝါက ဆက်လက် ပြောကြားခဲ့သည်။
မလေးရှားနိုင်ငံသည် အာဆီယံအဖွဲ့၏ အလှည့်ကျ ဥက္ကဌဖြစ်သည်။
ဧပြီလတွင် အမေရိကန်သမ္မတ ဒေါ်နယ်ထရမ့်ပ်က ချမှတ်ခဲ့သော “လွတ်မြောက်ရေးနေ့” သွင်းကုန်ခွန်စည်းကြပ်မှုများတွင် အရှေ့တောင်အာရှနိုင်ငံများသည် အပြင်းထန်ဆုံး စည်းကြပ်ခံရသောနိုင်ငံများတွင် ပါဝင်ခဲ့သည်။
Ref: မလေးမေးလ်