လောင်စာဆီဈေးမြင့်တက်၍ ဖိလစ်ပိုင်ဓာတ်ဆီဆိုင်၄၀၀ ကျော်ကို ပိတ်ပစ်ခဲ့

မနီလာ၊ မတ် ၂၃

လာင်စာဆီဈေး မြင့်တက်မှုကြောင့် ဖိလစ်ပိုင်နိုင်ငံတစ်ဝန်းရှိ ဓာတ်ဆီဆိုင် ၄၀၀ ကျော် သည် လုပ်ငန်းလည်ပတ်မှု ကို ရပ်ဆိုင်းခဲ့ကြောင်း ဖိလစ်ပိုင်နိုင်ငံ‌တော်ရဲတပ်ဖွဲ့ (PNP) က တနင်္လာနေ့တွင် ပြောကြားခဲ့သည်။

PNP ၏ပြောရေးဆိုခွင့်ရှိသူ ရန်ဒလ်ဖ် တူအာနို သည်ဖိလစ်ပိုင်တွင်ပိတ်ထားသော ဓါတ်ဆီဆိုင် အရေအတွက်သည်ပြီးခဲ့သောဗုဒ္ဓဟူးနေ့တွင် ၂၇၃ သာရှိရာမှ ၄၀၃ သို့တိုးလာသည်ဟု သတင်းစာရှင်းလင်းပွဲတွင်ပြောကြားခဲ့သည်။

PNP သည် တစ်နိုင်ငံလုံးအတိုင်းအတာဖြင့် ဓာတ်ဆီဆိုင်ပေါင်း ၁၄,၃၁၃ ရုံကို စောင့်ကြည့်နေပြီး နိုင်ငံ၏ လက်ရှိလောင်စာဆီ ပမာဏသည် ဧပြီလလယ်အထိ လုံလောက်မည်ဟု ၎င်းက ဆက်လက်ပြောကြားခဲ့သည်။

PNP သည် နယ်မြေအများအပြားတွင် တရားမဝင် စက်သုံးဆီရောင်းချမှု၊ သိုလှောင်မှုနှင့် အမြတ်ထုတ်မှုများနှင့် ပတ်သက်သည့် အမှု ဖွင့်ထားပြီးဖြစ်သည်။

အေဂျင်စီက စုံစမ်းစစ်ဆေးရန် စွမ်းအင်ဌာနနှင့် ညှိနှိုင်းဆောင်ရွက်နေပြီး အချို့သော ပိတ်သိမ်းမှုများသည် ဈေးနှုန်းထိန်းညှိခြင်းနှင့် ဆက်နွှယ်သည်ဟု သံသယ ကြောင့် လုပ်ငန်း လည်ပတ်မှုရပ်ဆိုင်းထားသည့် ဓာတ်ဆီဆိုင်များကို အရှိန်အဟုန်မြှင့်ကာ စောင့်ကြည့်နေသည်ဟု အဆိုပါအေဂျင်စီက ပြောကြားခဲ့သည်။

Ref: ရှင်းဟွာ