အင်ဒိုနီးရှားနိုင်ငံ၊ ဆိပ်ကမ်းတစ်ခုတွင် ဆိုက်ကပ်ထားသော ကုန်တင်တွဲ သင်္ဘော၏ အလုံပိတ်နေရာ အတွင်းသို့ စစ်ဆေးလုပ်ကိုင်ရန် ဝင်ရောက်သွားသည့် မြန်မာသင်္ဘောသား ၃ ဦးနှင့် အိန္ဒိယသင်္ဘောသား ၁ ဦးတို့မှာ အောက်ဆီဂျင်ပြတ်တောက် အသ-က်ဆုံးရှုံးမှုဖြစ်ပွားခဲ့ကြောင်း သိရသည်။
လက်ရှိ၌ မြန်မာသင်္ဘောသားများ၏ ရုပ်အလေ-ာင်းများ ရန်ကုန်သို့ ပြန်လည်ရောက်ရှိပြီလည်း ဖြစ်သည်။
အဆိုပါဖြစ်စဉ်သည် မေလ ဒုတိယအပတ်အတွင်း ဖြစ်ပွါးခဲ့ခြင်းလည်း ဖြစ်သည်။
အသ-က်ဆုံးရှုံးသွားသူများသည် အသက် ၃၈ နှစ်အရွယ် ကိုသူရဇော်၊ အသက် ၃၄ နှစ်အရွယ် ကိုဇော်မင်းထက်နှင့် အသက် ၂၈ နှစ်အရွယ် ကိုဟန်ထူးအောင်တို့ ဖြစ်ကြသည်။
မြန်မာသင်္ဘောသား ၃ ဦး၏ ရုပ်အလေ-ာင်းများကို ယမန် နေ့ မေလ ၂၄ ရက်နေ့တွင် အင်ဒိုနီးရှားနိုင်ငံမှတစ်ဆင့် ရန်ကုန်အပြည်ပြည်ဆိုင်ရာလေဆိပ်သို့ လေကြောင်းလိုင်းဖြင့် ပြန်လည်သယ်ဆောင်လာခဲ့ကြသည်။
ထိုမှတဆင့် နာရေးကူညီမှုအသင်း(ရန်ကုန်)က လေဆိပ်မှ မြောက်ဥက္ကလာပဆေးရုံကြီးသို့ ပို့ဆောင်ခဲ့ကြောင်း လည်း သိရသည်။
ဓာတ်ပုံ- နာရေးကူညီမှုအသင်း(ရန်ကုန်)