ရာထူးမှဖယ်ရှားခံရသော ဝန်ကြီးချုပ်ဟောင်း ရှိတ်ဟာစီနာကို အိန္ဒိယနိုင်ငံထံမှ တရားခံလွှဲပြောင်းရရှိရေးအတွက် သူ့အစိုးရက ဆောင်ရွက်သွားမည်ဖြစ်ကြောင်း ဘင်္ဂလားဒေ့ရှ် ကြားဖြတ်အစိုးရအဖွဲ့ ခေါင်းဆောင် နို့ဘဲလ်ငြိမ်းချမ်းရေးဆုရှင် မိုဟာမက်ယူနွတ်က တနင်္ဂနွေနေ့က ပြောကြားလိုက်သည်။ ဟာစီနာသည် သြဂုတ်လအတွင်းက ကြီးမားသော ဆန္ဒပြမှုများကြောင့် အိန္ဒိယသို့ ထွက်ပြေးခဲ့ရကာ ပြည်ပြေးအဖြစ် နေထိုင်နေခဲ့ခြင်းဖြစ်သည်။
သူ၏ ၁၅ နှစ်ကြာ အုပ်ချုပ်မှုကို အဆုံးသတ်စေခဲ့သည့် ကျောင်းသားထုဦးဆောင်သော လူထုအုံကြွမှုများအတွင်း ရာနှင့်ချီသော ပြည်သူများေ-သဆုံးခဲ့ရသည့်အတွက် ဟာစီနာအပါအဝင် တာဝန်ရှိသောသူအားလုံးကို တာဝန်ခံစေရန် ကြားဖြတ်အစိုးရက ကြိုးပမ်းဆောင်ရွက်သွားမည်ဟု ၎င်း၏ ရာထူးတာဝန်ထမ်းဆောင်မှု ပထမရက် ၁၀၀ ပြည့်မြောက်ခြင်းအထိမ်းအမှတ် တိုင်းပြည်သို့ ပြောကြားသောရုပ်သံမိန့်ခွန်းတွင် ယူနွတ်စ်က ထည့်သွင်းပြောကြားခဲ့သည်။ တိုင်းပြည်မှ ဟာစီနာ ထွက်ပြေးသွားအပြီး ၃ ရက်အကြာ သြဂုတ် ၈ ရက်တွင် အစိုးရအဖွဲ့ကို ယူနွတ်စ်က ဦးဆောင်ခဲ့သည်။
လူထုအုံကြွမှုအတွင်း လူေ-သဆုံးမှုများအတွက်သာမက အင်အားသုံ့းလက်စဖျောက်မှုများအပါအဝင် ဟာစီနာလက်ထက်က အခြားလူ့အခွင့်အရေးချိုးဖောက်မှုလုပ်ရပ်အားလုံးကို စုံစမ်းစစ်ဆေးသွားမှာဖြစ်ကြောင်း ၎င်းက ပြောဆိုခဲ့သည်။ ဟာစီနာနှင့် သူ၏ အပေါင်းအပါများကို ဖမ်းဆီးနိုင်ရန်အတွက် အနီရောင်သတိပေးချက် ထုတ်ပြန်ပေးရန် နိုင်ငံတကာရဲတပ်ဖွဲ့(အင်တာပိုလ်) ကို ဘဂ်လားဒေ့ရှ်အစိုးရက အကူအညီတောင်းထားသည်။
“ကျရှုံးအာဏာရှင် ရှိတ်ဟာစီနာ အိန္ဒိယကနေ ပြန်ရောက်လာရေး ကျွန်တော်တို့ ကြိုးပမ်းသွားမှာပါ၊ ဒီကိစ္စကို နိုင်ငံတကာရာဇဝတ်တရားရုံးရဲ့ ရှေ့နေချုပ် ကာရင်မ်ခန်းနဲ့လည်း ကျွန်တော် ဆွေးနွေးထားပြီးပါပြီ” ဟု ယူနွတ်စ်က ပြောကြားခဲ့သည်။
ဟာစီနာနှင့် သူ၏ အရင်းနှီးဆုံး လုပ်ဖော်ကိုင်ဖက်များသည် ပြည်တွင်း၌ ရာဇဝတ်မှု အမြောက်အများနှင့် ရင်ဆိုင် နေရသကဲ့သို့ နိုင်ငံတကာရာဇဝတ်တရားရုံးအနေဖြင့် အဆိုပါအမှုကို ကိုင်တွယ်ဆောင်ရွက်ရန်လည်း ယူနွတ်စ်ဦးဆောင်သော အစိုးရက တွန်းအားပေးလျက်ရှိသည်။
Ref: အေပီ