ရန်ကုန်တွင် နိုင်ငံဝန်ထမ်းနှင့် ကျဆုံးစစ်သည်မိသားစုများအတွက် မြေကွက် ၁,၆၅၀ နှင့် တိုက်ခန်း ၇၄ ခန်း ချထားပေးရန်ကုန်တိုင်းဒေသကြီးအတွင်း တာဝန်ထမ်းဆောင်နေသည့် နိုင်ငံဝန်ထမ်းများ၊ တပ်မတော်သားများ၊ ရဲတပ်ဖွဲ့ဝင်များနှင့် ကျဆုံးလေသူများ၏ မိသားစုဝင်များအတွက် အိုးအိမ်နှင့် မြေနေရာ ချထားပေးမှု အခြေအနေများကို ယနေ့ ဇွန်လ ၁၆ ရက်တွင် ကျင်းပသည့် ရန်ကုန်တိုင်းဒေသကြီး လွှတ်တော်အစည်းအဝေး၌ တရားဝင် ဖြေကြားခဲ့သည်။

မြေကွက် ၁,၆၅၀ ကွက် စိစစ်ချထားပေးမှု

အကျိုးခံစားခွင့်ရှိသူများ

ကျဆုံးခဲ့သည့် တပ်မတော်သားများနှင့် လုံခြုံရေးတပ်ဖွဲ့ဝင်များ၊ နိုင်ငံဝန်ထမ်းများ၊ ကိုယ်လက်အင်္ဂါချို့ယွင်းခဲ့သူများနှင့် အငြိမ်းစား ဝန်ထမ်းများ ဖြစ်သည်။

ပေးသွင်းရမည့် နှုန်းထားများ

၂၀၂၅-၂၀၂၆ ဘဏ္ဍာနှစ်အတွင်း သတ်မှတ်ထားသည့် ပြည်တွင်းအခွန် ကောက်ခံနှုန်းထားများအပေါ် အခြေခံ၍ အချိုးကျ ပေးသွင်းစေခဲ့သည် –

ကျဆုံးတပ်မတော်သား၊ လုံခြုံရေးတပ်ဖွဲ့ဝင်နှင့် နိုင်ငံဝန်ထမ်းများ – ၁၀ ရာခိုင်နှုန်း
ကိုယ်လက်အင်္ဂါ ချို့ယွင်းသူများ – ၁၅ ရာခိုင်နှုန်း
နိုင်ငံဝန်ထမ်းနှင့် အငြိမ်းစားဝန်ထမ်းများ – ၂၀ ရာခိုင်နှုန်း


တန်ဖိုးနည်း တိုက်ခန်း ၇၄ ခန်း ရောင်းချပေးမှု

ရွှေပြည်သာမြို့နယ်ရှိ တန်ဖိုးနည်းအိမ်ရာစီမံကိန်းမှ ကျန်ရှိသည့် တိုက်ခန်း ၇၄ ခန်းကိုလည်း အောက်ပါအတိုင်း စီစဉ်ဆောင်ရွက်ပေးခဲ့သည် –

ကာလ

၂၀၁၆ ခုနှစ် ဇန်နဝါရီလမှ ၂၀၂၆ ခုနှစ် မတ်လအထိ ရောင်းချပေးခဲ့ခြင်း ဖြစ်သည်။

ရရှိသူများ

နိုင်ငံဝန်ထမ်း၊ တပ်မတော်သား၊ ရဲတပ်ဖွဲ့ဝင်နှင့် ကျဆုံးစစ်သည်မိသားစုဝင် စုစုပေါင်း ၇၄ ဦးအား ရောင်းချပေးခဲ့ပြီး ဖြစ်သည်။

ယခုကဲ့သို့ အိုးအိမ်နှင့် မြေနေရာများ ချထားပေးခြင်းသည် နိုင်ငံတော်နှင့် ပြည်သူ့အကျိုးအတွက် သစ္စာရှိစွာ တာဝန်ထမ်းဆောင်ရင်း အသက်စွန့်ခဲ့ရသူများ၏ မိသားစုဝင်များ ဘဝရပ်တည်နိုင်ရေးအတွက် ရည်ရွယ်ဆောင်ရွက်ခြင်းဖြစ်ကြောင်း သိရသည်။