လက်ရှိအချိန်တွင် လူနာတင်ယာဉ်များဖြင့် အခကြေးငွေအမြောက်အမြား တောင်းခံခြင်းနှင့် အလွဲသုံးစားပြုမူခြင်းများကို ထိရောက်စွာဖြေရှင်းနိုင်ရန်အတွက် ရန်ကုန်ဆေးရုံကြီးတွင် ပရဟိတအသင်းများစုပေါင်း၍ လူနာရှင်များနှင့် တို-က်ရို-က်ချိတ်ဆက်ပေးမည့် အစီအစဉ်ကို စတင်ဆောင်ရွက်နေပြီဖြစ်ကြောင်း ရွှေမေတ္တာလူမှုကူညီရေးအသင်းပြော ရေးဆိုခွင့်ရှိသူ မရွှေလဲ့က ပြောကြားသည်။
နွမ်းပါးလူနာရှင်များနှင့် ရုပ်အလေ-ာင်းသယ်ဆောင်ရန် အခက်အခဲဖြစ်နေသူများအတွက် ရွှေမေတ္တာလူမှုကူညီရေးအသင်းနှင့် ပရဟိတမောင်နှမများ စုပေါင်း၍ အခကြေးငွေမဲ့ (သို့မဟုတ်) သဒ္ဓါကြေးဖြင့်သာ ကူညီပေးမည့် ပရဟိတအသင်းများ၏ စာရင်းနှင့် ဖုန်းနံပါတ်များကို လူနာရှင်များ မြင်သာစေရန် ရန်ကုန်ဆေးရုံကြီးတွင် ဗီနိုင်း (Vinyl) ချိတ်ဆွဲထားရှိမည်ဖြစ်ကြောင်း သိရသည်။
လူနာတင်ယာဉ်အသုံးပြုရာတွင် မပြေလည်မှုများ၊ အခက်အခဲများ ကြုံတွေ့ရပါက သက်ဆိုင်ရာအသင်းအမည်နှင့်တကွ တို-က်ရို-က်ဆက်သွယ် ညှိနှိုင်းတိုင်ကြားနိုင်မည်ဖြစ်ကာ အမှန်တကယ် ကူညီပေးနိုင်သည့် ပရဟိတအသင်းများအနေဖြင့် အစီအစဉ်တွင် ပါဝင်ရန် စာရင်းပေးပို့နိုင်ကြောင်း မရွှေလဲ့က အသိပေးထာသည်။
အဆိုပါ လုပ်ငန်းစဉ်တွင် ပူးပေါင်းပါဝင်လိုသော အသင်းအဖွဲ့များအနေဖြင့် ရန်ကုန်ဆေးရုံအုပ်ကြီးနှင့် လသာမြို့နယ် အထွေထွေအုပ်ချုပ်ရေးမှူးထံသို့ တို-က်ရို-က်ဆက်သွယ် စာရင်းပေးပို့နိုင်ကြောင်း အသိပေးထားသည်။
နွမ်းပါးလူနာရှင်များနှင့် Body ရှင်များ၏ အခက်အခဲများကို ဖြေရှင်းပေးနိုင်ရန် ရည်ရွယ်၍ ယင်းအစီအစဉ်ကို ဆောင်ရွက်ခြင်းဖြစ်သည်ဟု ရွှေမေတ္တာ လူမှုကူညီရေးအသင်းမှ မရွှေလဲ့က ပြောကြားထားသည်။