မြန်မာနိုင်ငံသို့ အနောက်တောင် မုတ်သုံလေ မဝင်ရောက်မီကာလအတွင်း လေထုမငြိမ်မသက်မှုများနှင့် နေ့အပူချိန်များ တဖြည်းဖြည်း မြင့်တက်လာရာမှ အပူပျံတက်တိမ်များဖြစ်ထွန်းကာ မွန်းလွဲ/ ညနေပိုင်းတို့တွင် မိုးတိမ်တောင်များ ဖြစ်ထွန်းခြင်း၊ လေပြင်းများ တိုက်ခတ်ခြင်းများဖြစ်ပေါ်နိုင်ကြောင်း မိုးလေဝသနှင့် ဇလဗေဒညွှန်ကြားမှု ဦးစီးဌာနက အသိပေး ထုတ်ပြန်ထားသည်။
လေပြင်း တိုက်ခတ်စဉ် မြေပြင်/ရေပြင်လေမှာ တစ်နာရီ မိုင် (၄၀) မှ မိုင် (၅၀) အထိ တိုက်ခတ်နိုင်သောကြောင့် အထူးဂရုပြုနေထိုင်သွားကြရန် မိုးလေဝသနှင့် ဇလဗေဒညွှန်ကြားမှုဦးစီးဌာနမှ ကြိုတင်သတိပေးနှိုးဆော်ထားခြင်း ဖြစ်သည်။
လေပြင်းနှင့်အတူ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်းနှင့် နေရာကွက်ကျား မိုးထစ် ချုန်းရွာခြင်းစသည့် မိုးလေဝသဖြစ်စဉ်များဖြစ်ပေါ်နိုင်ပြီး လေပြင်းတိုက်ခတ်စဉ် မြေပြင်/ရေ ပြင်လေသည် တစ်နာရီ မိုင် (၄၀) မှ မိုင် (၅၀) အထိ တိုက်ခတ်နိုင်ကြောင်း မိုး/ဇက ထုတ်ပြန်သည်။
ထို့ကြောင့် ပြည်သူများအနေဖြင့် မိုးကြိုကာလဖြစ်သည့် မေလမှ မြန်မာနိုင်ငံသို့ အနောက်တောင်မုတ်သုံလေ မဝင်ရောက်မီ ကာလအတွင်း ဖြစ်ပေါ်လာနိုင်သည့် မိုးလေဝသဖြစ်စဉ် များနှင့်ပတ်သက်၍ အထူးဂရုပြု နေထိုင်သွားကြရန်နှင့် ပြည်တွင်းလေကြောင်းပျံသန်းရေးနှင့် ရေကြောင်းခရီးစဉ်များအနေဖြင့်လည်း ကြိုတင်သတိပြုနိုင်ရန် အသိပေးနှိုးဆော်လိုက်ကြောင်း သိရသည်။