စစ်ကိုင်းတိုင်း၊ မင်းကင်းမြို့တွင် ချင်း တွင်းမြစ်ရေမြင့်တက်လာ၍ နေအိမ်များအတွင်းသို့ရေဝင်ရောက်လာနိုင်သဖြင့် ကယ်ဆယ်ရေးအဖွဲ့များမှ ယနေ့ သြဂုတ် ၉ ရက်နံနက်ပိုင်းမှစကာ ချင်းတွင်းမြစ်ကမ်းဘေး၌ ရေကင်းများချထားကြောင်း သိရသည်။
ရေကင်းများကို ရေဝင်ရောက်လာပါက မြို့၏အနိမ့်ပိုင်းရပ်ကွက်များအတွင်းနေထိုင်သူများနှင့် မြစ်ကမ်းအနီးနေ ထိုင်သူများကို ရေဘေးလွတ်ကင်းရာသို့ကူညီရွှေ့ပြောင်းပေးနိုင်ရန်အတွက်ချထားခြင်းဖြစ်ကြောင်း သိရသည်။
လက်ရှိအချိန်၌ ချင်းတွင်းမြစ်ရေသည် မင်းကင်းမြို့၏ စိုးရိမ်ရေမှတ်အောက် (၈)စင်တီမီတာတွင်ရောက်ရှိနေပြီး လာမည့် အချိန်ပိုင်းအတွင်း စိုးရိမ်ရေမှတ်သို့ရောက်ရှိလာနိုင်ကြောင်း သိရသည်။