သီတဂူဆရာတော်ကြီး၏ လမ်းညွှန်ချက်အရ ဗီယက်နမ်ဘုန်းတော်ကြီးမှ မန္တလေးငလျင်ကြီးဒဏ်ကြောင့် ပျက်စီးမှုများဖြစ်ပေါ်ခဲ့သည့် စစ်ကိုင်းတောင်ရိုးပေါ်မှ ဘုန်းတော်ကြီးကျောင်းများနှင့် သီလရှင်ကျောင်းများပြန်လည်ပြုပြင်ရန် ငွေကျပ်သိန်း(၃,၅၀၀)အား ဧပြီ ၂၂ ရက်ကမတည်လှူဒါန်းခဲ့ကြောင်း သိရသည်။
IBEC ပညာရေးစင်တာအား အလှူငွေကျပ်သိန်း (၅၀၀)၊ ရတနာသိင်္ဂီသီလရှင်ကျောင်းအား အလှူငွေကျပ်သိန်း(၅၀၀)၊ အောင်မြေဦး ဘုန်းတော်ကြီးသင် ပညာရေးကျောင်းအား အလှူငွေကျပ်သိန်း(၅၀၀)၊ ဇိနောဒယ ပရိယတ္တိစာသင်တိုက်အား အလှူငွေကျပ်သိန်း(၅၀၀)၊ ရွှေဟင်္သာတိုက်သစ်အား အလှူငွေကျပ်သိန်း(၅၀၀)၊ သုတေသက သီလရှင်စာသင်တိုက်အား အလှူငွေကျပ်သိန်း(၅၀၀)၊ မဟာသုဗောဓာရုံစာသင်တိုက်အား အလှူငွေကျပ်သိန်း(၂၅၀)နှင့် မြစကြာစာသင်တိုက်အား အလှူငွေကျပ်သိန်း (၂၅၀)တို့ကို ဗီယက်နမ်ဘုန်းတော်ကြီးက မတည်လှူဒါန်းပေးခဲ့ကြောင်း သိရသည်။
” အခုလှူဒါန်းတဲ့ငွေပမာဏက အပျက်အစီးတွေပြု ပြင်ဖို့အတွက်မလုံလောက်ပါဘူး။ အပျက်အစီးတွေနဲ့ကြည့်ရင် သေးသေးလေးပါ။ အစိတ်အပိုင်းလေးတစ်ခုပါ။ ဒါပေမယ့် အသုံးဝင်မယ်လို့မျှော်လင့်ပါတယ်။ ပြိုကျပျ-က်စီးေ-သဆုံးတာတွေ မြင်ရကြားရတဲ့အတွက် ရင်ထဲမှာခံစားရပါတယ်”ဟု ဗီယက်နမ်ဘုန်းတော်ကြီးက မိန့်ကြားခဲ့သည်။
ထို့ပြင် ဗီယက်နမ်ဘုန်းတော်ကြီးသည် မန္တလေးငလျင်ကြီးဒဏ်ကြောင့် ပျ-က်စီးမှုများဖြစ်ပေါ်ခဲ့သည့် ဘုန်းတော်ကြီးကျောင်းများနှင့် သီလရှင်ကျောင်းများအား ပြန်လည်ပြုပြင်မှုများပြုလုပ်ရန် မတည်လှူဒါန်းမှုများဆက်လက်ပြုလုပ်သွားမည်ဖြစ်ကြောင်း သိရသည်။