၂၃၀ ကေဗွီ ရွှေတောင်-မင်းလှ- မြောင်းတကာ Double Circuit ဓာတ်အားလိုင်းမိုင်းခွဲဖျ-က်ဆီးခံရမှုကြောင့် ရန်ကုန်တိုင်းနှင့် ဧရာဝတီတိုင်းတို့တွင် ဝန်အားထိန်းညှိဆောင်ရွက်နေရမှုကို ဖြေရှင်းနိုင်ရန် ယင်း ဓာတ်အားလိုင်းတာဝါတိုင်ကို ပြန်လည်ပြုပြင်နေသည်ဟု သိရသည်။
မင်းလှမြို့နယ်ရှိ ၂၃၀ ကေဗွီ ရွှေတောင်-မင်းလှ- မြောင်းတကာ Double Circuit ဓာတ်အားလိုင်းအား တဖက် လက်နက်ကိုင်အဖွဲ့ဝင်များမှ (မတ် ၂၇ ရက်) နံနက် ၁၁ နာရီ ၄၀ မိနစ်ကျော်ခန့်က မိုင်းခွဲဖျ-က်ဆီးခဲ့ကြခြင်း ဖြစ်သည်။
ထိုသို့ မိုင်းခွဲဖျ-က်ဆီးခံရမှုကြောင့် တာဝါတိုင်အမှတ် (၃၁၁) နှင့် (၃၁၂) တို့ပြိုလဲခဲ့ရပြီး တာဝါတိုင်အမှတ် (၃၁၀) နှင့် (၃၁၃) တို့တိမ်းစောင်းခဲ့ကာ လိုင်းချို့ယွင်းမှု များဖြစ်ပွားလျက်ရှိ၍ ဓာတ်အားစနစ်အတွင်း မဂ္ဂါဝပ် ၄၀၀ ခန့်သယ်ဆောင်ပို့လွှတ်မှုလျော့နည်းသွားကာ ရန်ကုန်တိုင်းနှင့် ဧရာဝတီတိုင်းတို့အတွင်း အချို့အချိန်များနှင့် အချို့နေရာများတွင် ဝန်အားထိန်းညှိမှုများဆောင်ရွက်နေရခြင်း ဖြစ်သည်။
လက်ရှိ၌ အမြန်ဆုံးပြန်လည်ပြင်ဆင်နေပြီး အဆင်မပြေမှုများအတွက်နားလည်သည်းခံပေးပါရန် ရန်ကုန်လျှပ်စစ်ဓာတ်အားပေးရေးကော်ပိုရေးရှင်းက မေတ္တာရပ်ထားကြောင်း သိရသည်။