တနင်္လာနေ့အစောပိုင်းက ဖိလစ်ပိုင်နိုင်ငံတောင်ပိုင်းဒေသတွင် ပြင်းအား ၇ ဒဿမ ၈ အဆင့်ရှိ ငလျင်လှုပ်ခတ်ခဲ့သဖြင့် အဆောက်အအုံများပြိုကျခဲ့ကာ လူ ၁၅ ဦးထက်မနည်း ေ-သဆုံးခဲ့ကြောင်း သိရသည်။
“အဆောက်အအုံများစွာ ထိခိုက်ခဲ့ပေမယ့် လက်ရှိမှာ ကယ်ဆယ်ရေးလုပ်ငန်းတွေနဲ့ ရှုပ်နေတာမို့ စာရင်းမပြုစုနိုင်သေးပါဘူး” ဟု ဂျင်နရယ် ဆန်းတို့စ်စီးတီးရဲတပ်ဖွဲ့မှ ရောဘတ်ဒါဂွန်က အေအက်ဖ်ပီသတင်းဌာနကို ပြောကြားခဲ့သည်။
မင်ဒါနာအိုကျွန်းရှိ Soccsksargen ဒေသတွင် လူ ၁၂ ဦးနှင့် ဒါဗာအို အော့စီဒန်တဲလ်ပြည်နယ်တွင် လူ သုံးဦး စုစုပေါင်း လူ ၁၅ ဦး ေ-သဆုံးခဲ့ကြောင်း နိုင်ငံတော်သဘာဝဘေးဌာနက ပြောကြားခဲ့သည်။
နောက်ဆက်ငလျင်များ၏ အန္တရာယ်ကြောင့် ပျ-က်စီးနေသော အိမ်များ သို့မဟုတ် အခြားအခြေခံအဆောက်အဦများအတွင်းကို မဝင်ရောက်ရန် အရပ်ဖက်ကွယ်ရေးရုံးက သတိပေးခဲ့သည်။
ဂါဒီယန်းသတင်းဌာနက အတည်ပြုထားသော ဗီဒီယိုတစ်ခုတွင် ငလျင်ဗဟိုချက်အနီး ဂျင်နရယ် ဆန်းတို့စ်စီးတီးရှိ နာမည်ကြီးစားသောက်ဆိုင် Jollibee ၏ အပေါ်ပြိုကျသွားခဲ့သည့်အပြင် စီးပွားရေးအဆောက်အအုံ၏ အပြင်ဘက်ကွန်ကရစ်နံရံများ ပြိုကျသွားခဲ့သည်ကို တွေ့ရသည်။
ဒေသတွင်း ရေဒီယိုကွန်ရက် Bombo Radyo က ဖေါ်ပြခဲ့သော ဗီဒီယိုတစ်ခုတွင် ဒါဗာအို ဒဲလ်ဆာမြို့၌ ကျောင်းသားများ အပြင်ဘက်တွင် စုဝေးနေချိန် အထက်တန်းကျောင်း၏ အစိတ်အပိုင်းများပြိုကျသွားခဲ့သည်ကို တွေ့ရသည်။
လျှပ်စစ်ဓာတ်အားပြတ်တေ-ာက်ခဲ့ပြီး မြင့်မားသည့်နေရာများကို သွားရောက်ကြရန် ဒေသခံများကို တိုက်တွန်းထားသည်။ ထိခိုက်ေ-သဆုံးမှုများနှင့် ပတ်သက်၍ အရပ်ဖက်ကာကွယ်ရေးရုံးထံမှ နောက်ထပ်သတင်းအချက်အလက်များကို လတ်တလောတွင် မရရှိသေးပေ။
Ref: သည်ဂါဒီးယန်း