နိုင်ငံဖြ-တ်ကျော် မှုခင်းများဆိုင်ရာ အာဆီယံဝန်ကြီး အဆင့်အစည်းအဝေးတွင် အတည်ပြုနိုင်ခဲ့သည့်အချက်များ

(၁၉) ကြိမ်မြောက် နိုင်ငံဖြတ်ကျော်မှုခင်းများဆိုင်ရာ အာဆီယံဝန်ကြီးအဆင့် အစည်းအဝေးနှင့် ဆက်စပ်အစည်းအဝေးများ [19th ASEAN Ministerial Meeting on Transnational Crime (AMMTC) and its Related Meetings] ကို မလေးရှားနိုင်ငံ ၊ မလက္ကာမြို့၌ စက်တင်ဘာ (၈)ရက်မှ (၁၂) ရက်အထိကျင်းပရာ ပြည်ထဲရေးဝန်ကြီးဌာန ဒုတိယဝန်ကြီး ဗိုလ်ချုပ်အောင်ကျော်ကျော် ဦးဆောင်သော ကိုယ်စား လှယ်အဖွဲ့တက်ရောက်ဆွေးနွေးခဲ့ကြောင်း သိရသည်။

အဆိုပါ အစည်းဝေးတွင် စက်တင်ဘာလ (၁၀)ရက်က (၁၉) ကြိမ်မြောက် AMMTC အစည်းအဝေး၊ စက်တင်ဘာ (၁၁) ရက်တွင် အာဆီယံ၏ ဆွေးနွေးဖက်နိုင်ငံများဖြစ်သော တရုတ်၊ ဂျပန်၊ ကိုရီးယား (၃)နိုင်ငံတို့နှင့် (၁၅)ကြိမ်မြောက် AM MTC + 3 အစည်းအဝေး၊ (၁၂)ကြိမ်မြောက် AMMTC + China အစည်းအဝေး၊ (၁၀)ကြိမ်မြောက် AMMTC + Japan အစည်းအဝေး၊ (၆) ကြိမ်မြောက် AMMTC + ROK အစ ည်းအဝေးတို့ကို ကျင်းပခဲ့ကြောင်း သိရသည်။

(၁၉) ကြိမ်မြောက် AMMTC နှင့် ဆက်စပ်အစည်းအဝေးများတွင် နိုင်ငံတကာအဆင့်၊ ဒေသအဆင့်နှင့် အမျိုးသားအဆင့် နိုင်ငံဖြတ်ကျော်မှုခင်းများတို-က်ဖျ-က်ရေး ကြိုးပမ်းဆောင်ရွက်နေမှု၊ အာဆီယံနှင့် ဆွေးနွေးဖက်နိုင်ငံများအကြား နိုင်ငံဖြတ်ကျော်မှုခင်းတို-က်ဖျ-က်ရေးဆိုင်ရာ ပူးပေါင်းဆောင်ရွက်ရေး လုပ်ငန်းစီမံချက်များ အကောင်အထည်ဖော်ဆောင်ရွက်နေမှုတို့နှင့်ပတ်သက်ပြီး ဆွေးနွေးမှုများ လုပ်ဆောင်ခဲ့ကြောင်း သိရသည်။

ထို့နောက် နိုင်ငံဖြတ်ကျော်မှုခင်းတို-က်ဖျ-က်ရေးဆိုင်ရာ အာဆီယံလုပ်ငန်းအစီအစဉ် (၂၀၂၆-၂၀၃၅)၊ ငွေကြေးခဝါချမှုတို-က်ဖျ-က်ရေးဆိုင်ရာ လုပ်ငန်းအဖွဲ့တည်ထောင်ရေး သဘောတရားစာတမ်း၊ အာဆီယံနယ်စပ်ဒေသ စီမံခန့်ခွဲရေး ပူးပေါင်းဆောင်ရွက်မှုဆိုင်ရာ လမ်းပြမြေပုံ၊ နိုင်ငံဖြတ်ကျော်မှုခင်းများ တိုက်ဖျက်ရေးဆိုင်ရာမလက္ကာကြေညာချက်၊ အရှေ့တောင်အာရှဒေသအတွင်း လူမှောင်ခိုမှုတို-က်ဖျ-က်ရေးဆိုင်ရာ အာဆီယံကြေညာချက်၊ ဆိုက်ဘာမှုခင်းနှင့် အွန်လိုင်းလိမ်လည်မှု တို-က်ဖျ-က်ရေးဆိုင်ရာ အာဆီယံကြေညာချက်နှင့် ပူးတွဲထုတ်ပြန်ချက်များကို အတည်ပြုနိုင်ခဲ့ကြောင်း သိရသည်။

လာမည့်အောက်တိုဘာတွင် မလေးရှားနိုင်ငံ၌ ကျင်းပမည့် (၄၇) ကြိမ်မြောက် အာဆီယံထိပ်သီးအစည်းအဝေးတွင် ထုတ်ပြန်မည့် ငွေကြေးခဝါချမှု တို-က်ဖျ-က်ရေးဆိုင်ရာ အာဆီယံခေါင်းဆောင်များကြေညာချက်၊ ပြစ်မှုဆိုင်ရာ တရားခံပြေးများအား ရှာဖွေဖော်ထုတ်ဖမ်းဆီးရာတွင် ပူးပေါင်းဆောင်ရွက်မှုတိုးမြှင့်ရေးဆိုင်ရာ အာဆီယံခေါင်းဆောင်များကြေညာချက်နှင့် အစွန်းရောက်အကြမ်းဖက်မှု ကြိုတင်တားဆီးကာကွယ်ရေးအတွက် အားကစားပွဲများ ပြုလုပ်ပေးရေးဆိုင်ရာ အာဆီယံခေါင်းဆောင်များ ကြေညာချက်များကိုလည်း အတည်ပြုနိုင်ခဲ့ကြောင်း သိရသည်။

အဆိုပါ အစည်းအဝေးများကို ဒုတိယဝန်ကြီး ဗိုလ်ချုပ်အောင်ကျော်ကျော်ဦးဆောင်သော ကိုယ်စားလှယ်အဖွဲ့သည် တက်ရောက်ခဲ့ပြီးနောက် စက်တင်ဘာလ(၁၂)ရက်တွင် လေကြောင်းခရီးဖြင့် ရန်ကုန်မြို့သို့ ပြန်လည်ရောက်ရှိလာပြီဖြစ်ကြောင်း သိရသည်။