မကွေးတိုင်း၊ နတ်မောက်မြို့တွင် ယနေ့ စက်တင်ဘာ (၂၈) ရက်တွင် မိုးသည်းထန်စွာရွာသွန်းမှုကြောင့် ရေကြီးရေလျံမှုများ ဖြစ်ပွားနေကြောင်း သိရသည်။
လက်ရှိ၌ နတ်မောက်မြို့ ဈေးရပ်ကွက်နှင့် အောင်ဆန်းရပ်ကွက်တို့တွင် ယနေ့ နံနက်က စတင်ကာ နေအိမ်ထဲရေများ ဝင်ရောက်မှုများလည်း ရှိနေသည်ဟု ဒေသခံများက ပြောသည်။
ထို့ကြောင့် ဒေသခံအိမ်ထောင်စုများကို ရေဘေးလွတ်ရာ ကူညီရွှေ့ပြောင်းပေးခဲ့ရကြောင်းလည်း မီးသ-တ်တပ်ဖွဲ့က သတင်းထုတ်ပြန်ထားသည်။
” (၁၁) နာရီမှာ ဖုန်းလိုင်းများ ပြန်ဆက်သွယ်ရတယ်၊ ကျွန်တော်တို့ကျေးရွာ အန္တရာယ်ကင်းဘေးရှင်းပါတယ်၊ စိတ်ပူစရာမရှိပါ။ MPT လိုင်းများပြ-တ်တေ-ာက်နေတုန်းပဲ” ဟု ဒေသခံတဦးက ပြောသည်။
ထို့အတူ နတ်မောက်မြို့နယ်၊ မယ်ဇလီပင် ကျေးရွာတွင်လည်း ယမန်နေ့ညက ရေတက်မှုကြောင့် အိမ်တစ်လုံးနှင့် မိသားစုတစ်စု ရေထဲပါသွားသည်ဟု မယ်ဇလီပင်ကျေးရွာခံများက သိရသည်။
“လက်ခုပ်ပင်ရွာချောင်းမှာ dead body နှစ်လေ-ာင်းတွေ့ပါတယ်၊ အခု ယင်းချောင်းရေလည်း အတော်တိုးနေပါတယ်၊ စျေးသာရွာလည်း ရေတက်နေတယ်” ဟု ဒေသခံများက မျှဝေနေကြသည်။
ဖိလစ်ပိုင်ပင်လယ်ပြင်တွင် ဖြစ်ပေါ်နေသည့် အားကောင်းသော အပူပိုင်းမုန်တိုင်း”ဘူအလွိုင်”မှ ပြ-တ်ထွက်လာသောတိမ်တို-က်များအပါအဝင် ရာသီဥတုအခြေအနေများကြောင့် စက်တင်ဘာ (၂၆)ရက် ညနေမှ အောက်တိုဘာ (၂) ရက်အတွင်း ရန်ကုန်တိုင်းနှင့် နေပြည်တော်တို့အပါအဝင် တိုင်းနှင့်ပြည်နယ်အနှံ့တွင် မိုးသည်းထန်စွာရွာသွန်းနိုင်ပြီး ဒေသအလိုက်မိုးကြီးနိုင်သည်ဟု မိုး/ဇလက အသိပေးထုတ်ပြန်ထားသည်။
ထို့ပြင် မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင်လည်း ရံဖန်ရံခါ မိုးသက်လေပြင်းများကျရောက်ပြီး လှိုင်းကြီးနိုင်ပြီး ယင်းရက်များအတွင်း မိုးသည်းထန်စွာရွာသွန်းခြင်းနှင့်အတူ လေပြင်းတို-က်ခ-တ်ခြင်း၊ မိုးထစ်ချုန်းခြင်း၊ မိုးကြိုးပ-စ်ခြင်း၊ လျှပ်စီးလက်ခြင်း၊ မိုးသီးကြွေခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်းသဘာဝဘေးအန္တရာယ်များ ဖြစ်ပေါ်နိုင်သည်ဟုလည်း မိုးဇလကအသိပေးထားသည်။