ထား၀ယ်တက္ကသိုလ် ဥပဒေပညာဌာနတွင် စီးပွားရေးဥပဒေပညာဒီပလိုမာ Diploma in Business Law (DBL) သင်တ န်း အမှတ်စဉ် (၁) ကို ၂၀၂၆ ခုနှစ်၊ ဇန်နဝါရီလ (၁၂) ရက်တွင် ဖွင့်လှစ်မည်ဖြစ်ကြောင်း သိရသည်။
အဆိုပါ ဒီပလိုမာသင်တန်းကို တက္ကသိုလ်၊ ဒီဂရီကောလိပ်တစ်ခုခုမှ ဘွဲ့ရရှိပြီးသူများ လျှောက်ထားနိုင်ပြီး အစိုးရဝန်ထမ်းဖြစ်ပါက သက်ဆိုင်ရာဌာနအကြီးအကဲ၏ သင်တန်းတက်ရောက်ခွင့်ပြုကြောင်း အထောက်အထား တင်ပြရမည်ဖြစ်သည်။
ယင်းသင်တန်းအား ဇန်နဝါရီလ (၁၂) ရက်တွင် စတင် ဖွင့်လှစ်မည်ဖြစ်ပြီး သင်တန်းကာလ (၉) လကြာ တက်ရောက်ရမည်ဖြစ်ကာ သင်တန်းအချိန်မှာ တနင်္လာနေ့မှ သောကြာနေ့အထိ နံနက် (၇) နာရီမှ (၉) နာရီအထိ ဖြစ်ကြောင်း သိရသည်။
သင်တန်းကို ဇန်နဝါရီ (၆) ရက်မှ (၉) ရက်အထိ ထားဝယ်တက္ကသိုလ်၊ ဥပဒေပညာဌာနတွင် လျှောက်လွှာတင်သွင်းရမည်ဖြစ်ပြီး ဝင်ခွင့်ရရှိသူများကို ဇန်နဝါရီ (၁၁) ရက်တွင် ကြေညာပေးမည်ဖြစ်သည်။