ရန်ကုန်-မန္တလေးအမြန်လမ်းတွင် ယခင်နှစ်ထက် ခရီးသွားပိုမိုများပြားလာသဖြင့် လမ်းအသုံးပြုခကောက်ခံရငွေ ပိုမိုရရှိလာဟုဆို
ရန်ကုန်-မန္တလေး အမြန်လမ်းမကြီး (နေပြည်တော်-ရန်ကုန်လမ်းပိုင်း) ရှိ လမ်းအသုံးပြုခကောက်ခံနေသည့် တိုးလ်ဂိတ်များနှင့် မန္တလေးငလျင်ဒ-ဏ်ကြောင့် ပျ-က်စီးသွားသော လမ်း၊ တံတားများ ပြန်လည် ပြုပြင်ရေး လုပ်ငန်းဆောင်ရွက်နေမှုအခြေအနေတို့အား ဆောက်လုပ်ရေးဝန်ကြီးဌာန၊ ဒုတိယဝန်ကြီး ဦးမျိုးမြင့်သည် တာဝန်ရှိသူများနှင့်အတူ မေလ ၂၇ ရက်တွင် ကြည့်ရှုစစ်ဆေးခဲ့ကြောင်း သိရသည်။
နေပြည်တော်တိုးလ်ဂိတ်တွင် လမ်းအသုံးပြုခကောက်ခံမှု စနစ်များနှင့် နည်းပညာဆိုင်ရာ ဆောင်ရွက်ထားမှု အခြေအနေများ၊ အမြန်လမ်းမကြီး၌ ဖြတ်သန်းခွင့်ရှိသည့် Telematic စနစ် တပ်ဆင်ထားသည့် သတ်မှတ် ကုန်တင်ယာဉ်များနှင့် ခရီးသည်တင်မှန်လုံယာဉ်များ၏ ဘေးအန္တရာယ်ကင်းရှင်း၍ လမ်းခရီး ချောမွေ့စွာသွားလာနိုင်ရေးအတွက် သတ်မှတ်တန်ချိန်ကျော်လွန်မှု မရှိစေရန် တိုးလ်ဂိတ်ရှိကတ္တားပေါ်၌ ချိန်တွယ်၍ ဖြတ်သန်းမောင်းနှင်သွားလာနေမှု အခြေအနေများကို ဒုတိယဝန်ကြီးက ကြည့်ရှုစစ်ဆေးခဲ့ကြောင်း သိရသည်။
လမ်းအသုံးပြုခများ ကောက်ခံရာတွင် SOP အတိုင်း စနစ်တကျ ကောက်ခံရေး၊ အဂတိတရားကင်းရှင်းရေး၊ တိုးလ်ဂိတ်အတွင်း/အပြင် အမြဲ သန့်ရှင်းသပ်ရပ်အောင် ဆောင်ရွက်ကြရန် ဒုတိယဝန်ကြီးက မှာကြားခဲ့သည်။
ရန်ကုန်-မန္တလေးအမြန်လမ်း မိုင်တိုင် အမှတ် (၁၆၅/၁-၁၆၅/၃) ကြားရှိ ဆွာချောင်းတံတား (အပြန်) တည်ဆောက်ရေးလုပ်ငန်းခွင်သို့ ရောက်ရှိပြီး သတ်မှတ်ကာလအတွင်း အရည်အသွေးကောင်းမွန်စွာဖြင့် ပြီးစီးအောင် ဆောင်ရွက်သွားရန်၊ တံတားအဟောင်းဖျ-က်သိမ်းမှုနှင့် တံတားအသစ်တည်ဆောက်ရန်အတွက် လုပ်ငန်းဆောင်ရွက် နေမှုများကို လိုက်လံကြည့်ရှုစစ်ဆေးခဲ့ပြီးလုပ်ငန်းခွင် အန္တရာယ်ကင်းရှင်းရေးနှင့် တံတားအသစ်တွင် ဖြတ်သန်းနေသောယာဉ်များဘေးအန္တရာယ်ကင်းရှင်းရေးတို့ကို အထူးဂရုပြုရန် ဒုတိယဝန်ကြီး ဦးမျိုးမြင့်က မှာကြားခဲ့သည်။
ထို့နောက် ဒုတိယဝန်ကြီးနှင့်အဖွဲ့သည် ရန်ကုန်-မန္တလေး အမြန်လမ်းမကြီး၊ ၁၁၅မိုင် (ဖြူး) တိုးလ်ဂိတ်နှင့် လမ်းအသုံးပြုခ ကောက်ခံနေမှုနှင့် မော်တော်ယာဉ်များ ဖြတ်သန်းသွားလာနေမှု အခြေအနေတို့အား ကြည့်ရှုစစ်ဆေးခဲ့သည်။
ယခုနှစ် ဧပြီလတွင် ယခင်နှစ် ဧပြီလထက် ခရီးသွားပြည်သူများ ပိုမိုများပြား လာသဖြင့် လမ်းအသုံးပြုခကောက်ခံရငွေများ ပိုမိုတိုးတက် ရရှိလာသည်ကို တွေ့ရှိရကြောင်း သိရသည်။