ဆိုင်းပညာရပ်ဆိုင်ရာ အထူးအစည်းအဝေးကို ဇူလိုင်လ ၁၁ရက်၊ နေ့လယ်၁နာရီက ရန်ကုန်မြို့၊ အမျိုးသားဇာတ်ရုံမှာ ပြုလုပ်ခဲ့ပါ တယ်။ အထူးအစည်းအဝေးကို ပြုလုပ်ခဲ့ရခြင်းက သဘင်အစည်း အရုံး(ဗဟို)မှ ဆွေးနွေးပွဲများ ပြုလုပ်ကာ ဆိုင်းပညာရပ်နဲ့ ပတ်သက်ပြီး ချမှတ်ခဲ့တဲ့ စည်းမျဉ်းစည်းကမ်းများအပေါ် ကန့်ကွက်မှုများရှိတဲ့ အတွက် အထူးအစည်းအဝေး ပြုလုပ်ရခြင်းဖြစ်တယ်လို့ သိရပါတယ်။ ဒီလိုပြုလုပ်ခဲ့ပေမယ့်လည်း အဆိုပါနေ့ အစည်းအဝေးပွဲမှာ စည်းမျဉ်း စည်းကမ်းများကို ကန့်ကွက်ခဲ့ကြတဲ့ သဘင်ပညာရှင်တချို့ တက် ရောက်ခဲ့ခြင်း မရှိခဲ့တဲ့အတွက် အစည်းအဝေးအနေနဲ့ အဖြေရလဒ် ထွက်ရှိနိုင်ခဲ့ခြင်းမရှိ ကြောင်းသိရပါတယ်။
“သဘင်အစည်းအရုံး (ဗဟို)ရဲ့ နာယကကြီး နှစ်ဦးလည်းလာ တယ်။ ယဉ်ကျေးမှုဝန်ကြီးဌာနကလည်း ညွှန်ကြားရေးမှူးချုပ် ကိုယ်တိုင်ဦးဆောင်ပြီးတော့ ဆွေးနွေးပေးပါတယ်။ ဒါပေမဲ့လို့ ဟိုဘက်က ဒီစည်ကမ်းချက်တွေပေါ်မှာ ကန့်ကွက်ထားတဲ့ပညာရှင် တွေကတော့ မတက်ရောက်ကြဘူး။ မတက်ရောက်တဲ့အခါကျတော့ ဆွေးနွေးရ တာသိပ်အဆင်မပြေဘူး။ အဖြေရလဒ်လည်း မထွက်နိုင်ဘူး ပေါ့။ သူတို့ဘက်ကတော့ ဘယ်လိုအကြောင်းပြလဲဆိုတော့ သူတို့ က ‘ဆိုင်းဂီတပညာရှင်များအသင်း’ဆိုပြီးတော့ ဖွဲ့စည်းထားတယ်တဲ့။ ဖွဲ့စည်းထားတော့ ‘ဆိုင်းဂီတပညာရှင်များအသင်း’အနေနဲ့ပဲ ဖိတ် ကြားပေးပါဆိုပြီးတော့ စာပြန်လာတယ်။ ကျွန်မတို့ဘက်ကလည်း အခက်အခဲရှိတာက တရားဝင်အသိအမှတ်ပြုပြီးဖြစ်တဲ့ အသင်းအဖွဲ့အစည်းမျိုးမဟုတ်တဲ့ အခါကျတော့ အဲဒီလို ဖိတ်ကြားလို့မရဘူးပေါ့။ ပုဂ္ဂိုလ်ရေးအနေနဲ့ကတော့ ကျွန်မတို့ဘက်က By Name နဲ့ ဖိတ်ကြားပါတယ်။ ညွှန်ကြားရေးမှူးချုပ်ကတော့ နှစ်ဦးနှစ်ဖက် မျက်နှာ ချင်းဆိုင် ပြန်ပြီးတွေ့ဆုံနိုင်မယ့် အစည်းအဝေးတစ်ခုကို ဝန်ကြီးဌာနကနေ ကူညီ ပြီးတော့ ခေါ်ယူပြုလုပ်ပေးဦးမယ်လို့ ပြောပါတယ်” လို့ မြန်မာနိုင်ငံသဘင်ပညာရှင်များ အစည်း အရုံး(ဗဟို)မှ ပြန်ကြားရေးမှူး ဒေါ်ပတ္တမြားကေခိုင်က ပြောပြပါတယ်။
လင်းအက္ခရာ