ရှမ်းပြည်နယ်(တောင်ပိုင်း)၊ ဆီဆိုင်မြို့နယ်ရှိ နားသံကျေးရွာအုပ်စုနှင့် နားခိုက်ကျေးရွာအုပ်စုတို့မှ ကျေးရွာ (၆)ရွာမှာ လျှပ်စစ်မီးမရရှိသေးသဖြင့် နယ်စပ်ရေးရာဝန်ကြီးဌာနက ဇူလိုင် ၁၅ ရက်တွင် အိမ်သုံးဆိုလာ (၇၁၅)စုံကိုထောက်ပံ့ပေးခဲ့ကြောင်း သိရသည်။
နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒု- ဗိုလ်ချုပ်ကြီးဖုန်းမြတ်က ဒေသခံများအမှန်တကယ် လိုအပ်သည့် အိမ်သုံးဆိုလာမီးများတပ်ဆင်ပေးရခြင်းမှာ ပညာရေး၊ ကျန်းမားရေး၊ လူမှုစီးပွားဖွံ့ဖြိုးတိုးတက်ရေးအတွက်ဆောင်ရွက်ပေးခြင်းဖြစ်ပြီး ဒေသဖွံ့ဖြိုးရေးလုပ်ငန်းများကို ဘဏ္ဍာနှစ်အလိုက်စဉ်ဆက်မပြတ်ဆောင်ရွက်ပေးသွားမည်ဟု ပြောကြားခဲ့သည်။
ထို့နောက် ပြည်ထောင်စုဝန်ကြီးက အိမ်သုံးဆိုလာ (၇၁၅)စုံကို သက်ဆိုင်ရာတာဝန်ရှိသူများထံထောက်ပံ့ပေးအပ်ပြီး လွိုင်လင်ခရိုင်ဖွံ့ ဖြိုးမှုကြီးကြပ်ရေးရုံးလုပ် ငန်းဆောင်ရွက်နေမှု၊ လင်းခေးမြို့၊ တောင်ရွာရပ်ကွက်၌ ဆိုလာစနစ်ဖြင့် စိုက်ပျိုးရေရရှိရေးဆောင်ရွက်နေမှုတို့ကို ကြည့်ရှုစစ်ဆေးခဲ့သည်။
ထို့ပြင် ဒါးဆိပ်-နောင်လုံ-ဝမ်စစ်-ဟိုက်ကွေ့ လမ်းမကြီး၌ ပေ(၂၀)ကွန်ကရစ်တံတားတည်ဆောက်နေမှုနှင့် လင်းခေးခရိုင်ဖွံ့ဖြိုးမှုကြီးကြပ်ရေးရုံးလုပ်ငန်းဆောင်ရွက်နေမှုတို့ကိုလည်း ကြည့်ရှုစစ်ဆေးခဲ့သည်။