တက္ကသိုလ်ဝင်တန်းကို အောင်မြင်စွာ ဖြတ်ကျော်နိုင်ဖို့ဆိုတာ ကံတရားအထောက်အပံ့တွေလိုအပ်သလို နည်းမှန်လမ်းမှန်နဲ့ အချိန် ယူလေ့လာ ကြိုးစားဖို့လည်း လိုအပ်ပါတယ်။ မေသက်ထားဆွေက တော့ တက်္ကသိုလ်ဝင်တန်းစာမေးပွဲကို မြန်မာစာ၊ ဇီဝဗေဒဘာသာ ရပ်တွေမှာ ဂုဏ်ထူးတွေနဲ့ အောင်မြင်ခဲ့ပါတယ်။ မေသက်ထား ဆွေအနေနဲ့ အနုပညာပိုင်းမှာရော၊ ပညာရေးပိုင်းမှာပါ အောင်မြင်မှုရနေတဲ့ အဓိကသော့ချက်ကတော့ သူ့ရဲ့မိခင် ဒေါ်နုနုဆွေပါပဲ။ မိခင်ရဲ့ ဆုံးမသွန်သင်မှုတွေ၊ ဂရုစိုက် မှုတွေက အရေးပါတဲ့ အခန်းကဏ္ဍတစ်ခုကနေ ပါဝင်ပါတယ်။
“အမေက အများကြီးစိတ်ဓာတ်ခွန်အားပေးပါ တယ်။ ငယ်ငယ်ကတည်းကပေါ့နော်။ သမီးသီချင်းဆို ပြိုင်ပွဲပြိုင်သည်ပဲဖြစ်စေ၊ ကျောင်းစာဘက်ပဲဖြစ်စေ၊ တစ်ခုခုဆိုရင် ကျူရှင်တွေဘာတွေနဲ့ အရမ်းပင်ပန်း နေတဲ့အခါ မေမေက အားပေးတယ်။ မေမေကတော့ သမီးအတွက်တံတိုင်းကြီးတစ်ခုသဖွယ်ပါပဲ။ အတိအကျ တစ်ရာရာခိုင်နှုန်းနီးပါး မေမေ့ရဲ့ပံ့ပိုးမှုတွေက အရေးပါ ပါတယ်။ တခြားကတော့ သမီးဂုဏ်ထူးထွက်တယ်ဆိုတာကလည်း ဆရာတွေက သမီးကိုသင်ကြားပြသပေးတာကြောင့်လည်း ပါဝင်ပါတယ်။ ဆရာနဲ့ ကျောင်းသား၊ မိဘနဲ့ သားသမီးညီတဲ့ အခါမှာ အောင်မြင်မှုဆိုတာရတာပေါ့” လို့ မေသက်ထားဆွေက ပြောပါတယ်။
ဆယ်တန်းအောင်တဲ့အထိမ်းအမှတ်အနေနဲ့ တစ်ခုခုလုပ်ဖို့ရှိမလားလို့ မေသက်ထားဆွေကိုမေးတဲ့အခါ … “အဲဒီလိုမျိုးရှိတယ်။ ဘယ်လိုလုပ်မလဲဆိုတော့ သမီးတို့ အခုလမ်း ထဲပေါ့နော်။ သမီးအောင်တဲ့အထိမ်းအမှတ်အနေနဲ့ လမ်းထဲမှာ စတုဒိသာကျွေးမယ်။ အဲဒီလိုမျိုးလုပ်ရင်ကောင်း မလားစဉ်းစားနေတယ်။ နောက်ပြီးရင် အမျိုးတွေပေါ့နော်။ အမျိုးတွေပွဲကတော့ သိတယ်မဟုတ်လား။ ကျင်းပရမှာပေါ့ (ရယ်လျက်) “လို့ ပြောပါတယ်။ အဖြူ၊ အစိမ်းနဲ့ ကျောင်း သူဘ၀ကို အပြီးအပိုင် နှုတ်ဆက်လိုက်ရပြီဆိုတော့ ဘယ်လို ခံစားရလဲလို့မေးတော့ “ကျောင်းသား၊ ကျောင်းသူဘ၀ဆိုတာ မေ့လို့မရဘူးပေါ့နော်။ ငယ်ငယ်တုန်းက ဆိုးခဲ့တာတွေ၊ အမှတ်တရတွေ အများကြီးပဲ။ ပြီးတော့ အဖြူနဲ့အစိမ်းဆိုတာ ဘယ်တော့မှ ပြန်ဝတ်လို့မရတော့ဘူးပေါ့။ အောင်စာရင်းမ ထွက်ခင်တုန်းကဆို ရင်ကိုယ့်ကိုယ်ကိုယ်ဆယ်တန်းပဲ။ ပြီးတော့ အ.ထ.က ၁ (ဒဂုံ) ပေါ့နော်။ ဒဂုံ (၁)ရဲ့ ကျောင်းသူတစ် ယောက်အနေနဲ့ အောင်မြင်ရတဲ့အတွက် ပိုပြီးတော့ ဂုဏ်ယူမိပါ တယ်”လို့ မေသက်ထားဆွေက ပြောပြခဲ့ပါတယ်။
မျိုးမောင်၊ ဓာတ်ပုံ-ဇော်ဝင်းအောင်