ဧရာဝတီတိုင်း၊ လေးမျက်နှာမြို့နယ်ရှိ ငဝန်ရေကာတာ တာဘောင်ကျိုးမှုကြောင့် ရေကျော်ဝင်ရောက်ကာ ရေကြီးရေလျှံမှုများဖြစ်ပေါ်နေသဖြင့် ရေဝင်ရောက်နေမှုများအားတားဆီးနိုင်ရေးလုပ်ငန်းများကို ၂၄ နာရီ နေ့ဆိုင်း/ညဆိုင်းအလှည့်ကျစနစ်ဖြင့်ကြိုးပမ်းဆောင်ရွက်လျက်ရှိသည်။
ဧရာဝတီတိုင်းအစိုးရအဖွဲ့၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဌာန၊ ဆောက်လုပ်ရေးဝန်ကြီးဌာန၊ တံတားဦးစီးဌာန၊ တပ်မတော်သားများနှင့် မီးသတ်တပ်ဖွဲ့ဝင်များပူးပေါင်း၍ လူအင်အား၊ စက်ယန္တရားအင်အားများဖြင့်ဆောင်ရွက်လျက်ရှိသည်၊
ရေကျော်ဝင်ရောက်နေသည့်နေရာတွင် အရှည်(၁၂)မီ တာရှိ Steel Sheet Pile များကို အလျား(၈၉၀)ပေခန့် အုပ်မိုး၍ ရိုက်စိုက်ခြင်း၊ Geo Bag နှင့် သဲအိတ်များဖိသိပ်ခြင်း၊ သဲအပြည့်ဖြည့်ထားသော Geo Bag အိတ်များနှင့် သဲအိတ်များကို ရေအောက်အထိစနစ်တကျ သယ်ယူဖိသိပ်ချခြင်း၊ ရေတား/ရေကာတားများတည် ဆောက်ခြင်း၊ တာတမံနိမ့်ကျသွားသည့် နေရာများနှင့် ရေဝင်ပေါက်များကို သဲအိတ်များဖြင့်အထပ်ထပ်စီရီ၍ ရေကာ/ရေတားနံရံများ အရေးပေါ်တည်ဆောက်ခြင်းတို့ကိုဆောင်ရွက်လျက်ရှိသည်။
Photo-ဧရာဝတီတိုင်းအစိုးရ