ပြင်းထန်သော ငလျင်နှစ်ခုလှုပ်ခတ်ပြီး လေးရက်အကြာဖြစ်သည့် တနင်္ဂနွေနေ့တွင် ပြိုကျနေသော အဆောက်အအုံတစ်ခု၏ အပျ-က်အစီးများအောက် ပိတ်မိနေသည့် ဖခင်နှင့် ၎င်း၏သားဖြစ်သူကို အသက်ရှင်လျက် ကယ်ထုတ်နိုင်ခဲ့ကြောင်း သိရသည်။
ယင်းကယ်ဆယ်ရေးအောင်မြင်မှုသည် အသက်ရှင်ကျန်ရစ်သူများကို အချိန်လုရှာဖွေနေသည့် ပြင်သစ်နှင့် အမေရိကန် ကယ်ဆယ်ရေးအဖွဲ့များအတွက် မျှော်လင့်ချက်တစ်ရပ် ဖြစ်လာခဲ့သည်။
ကမ်းရိုးတန်းဒေသဖြစ်သည့် လာဂွိုင်ရာပြည်နယ်တွင် ကယ်ဆယ်ရေးသမားများက အားနည်းနေသည့် သားအဖနှစ်ဦးကို ထမ်းစင်များဖြင့် သယ်ဆောင်ကာ အပျက်အစီးများကြားမှ လူနာတင်ယာဉ်များသို့ ပို့ဆောင်ခဲ့ကြသည်။
အဆိုပါဒေသသည် ဗုဒ္ဓဟူးနေ့က လှုပ်ခတ်ခဲ့သော ငလျင်ဒ-ဏ်ကို အပြင်းထန်ဆုံးခံခဲ့ရပြီး လူ ၁,၄၅၀ ထက်မနည်း ေ-သဆုံးကာ ထောင်နှင့်ချီသော လူများ ပျေ-ာက်ဆုံးနေဆဲဖြစ်ကြောင်း သိရသည်။
ကယ်ဆယ်ရေးအဖွဲ့များသည် အထူးရှာဖွေရေးကင်မရာများနှင့် အခြားကိရိယာများကို အသုံးပြု၍ အန္တရာယ်ရှိသော အပျ-က်အစီးများကြားတွင် ၁၂ နာရီကြာ ဆက်တိုက်ရှာဖွေခဲ့ပြီးနောက် သားအဖနှစ်ဦးကို ကယ်ထုတ်နိုင်ခဲ့ခြင်းဖြစ်သည်။
“အပျ-က်အစီးအောက်မှာ လေးရက်ကြာပိတ်မိနေတဲ့အတွက် သူတို့နှစ်ဦးစလုံး အလွန်အားနည်းနေပါတယ်။ ကယ်ထုတ်နေစဉ်အတွင်း ရေဓာတ်ပြန်လည်ဖြည့်တင်းပေးခြင်းနဲ့ လိုအပ်တဲ့ ဆေးဝါးကုသမှုပေးခြင်းတွေကို တစ်ပြိုင်နက် ဆောင်ရွက်ပေးခဲ့ပါတယ်” ဟု ပြင်သစ်အရပ်ဖက်လုံခြုံရေးအဖွဲ့ဝင်တစ်ဦးက ပြောကြားခဲ့သည်။
ယင်းဒေသတွင် လုပ်ငန်းဆောင်ရွက်နေသည့် ကယ်ဆယ်ရေးအဖွဲ့တွင် ပြင်သစ်အရပ်ဖက်လုံခြုံရေးအဖွဲ့ဝင်များနှင့် အမေရိကန်နိုင်ငံ ဗာဂျီးနီးယားပြည်နယ် Fairfax ကောင်တီ မြို့ပြရှာဖွေရေးနှင့် ကယ်ဆယ်ရေးအဖွဲ့မှ ကယ်ဆယ်ရေးသမားများ ပါဝင်ပြီး ယခင်နေ့ကလည်း မိခင်တစ်ဦးနှင့် ကိုးလအရွယ် ကလေးငယ်တစ်ဦးကို အသက်ရှင်လျက် ကယ်တင်နိုင်ခဲ့ကြောင်း သိရသည်။
သီတင်းပတ်ကုန်ပိုင်းအထိ လူ ၃၃ ဦးကို အသက်ရှင်လျက် ကယ်တင်ထားနိုင်သော်လည်း ထောင်ပေါင်းများစွာ ပျောက်ဆုံးနေဆဲဖြစ်ကာ အသက်ရှင်ကျန်ရစ်သူများကို ဆက်လက်တွေ့ရှိနိုင်မည့် အခွင့်အလမ်း လျော့နည်းလာမည်ကို စိုးရိမ်မှုများ မြင့်တက်လျက်ရှိသည်။
ကျွမ်းကျင်သူများ၏ အဆိုအရ ငလျင်လှုပ်ခတ်ပြီး ၇၂ နာရီကျော်လွန်ပါက အပျ-က်အစီးများအောက်မှ အသက်ရှင်ကျန်ရစ်သူများကို ရှာဖွေတွေ့ရှိနိုင်သည့် အခွင့်အလမ်းမှာ သိသိသာသာ လျော့နည်းသွားကြောင်း သိရသည်။
Ref: Reuters