ယနေ့ ဩဂုတ် (၂၅)ရက် ၊ ညနေ (၄)နာရီ အချိန်တွင် အမျိုး သမီးအာရှချန်ပီယံလိဂ် ဝင်ရောက်ခွင့်အတွက် ဂူအမ်ကလပ်အသင်း STRYKERS FC နှင့် ISPE အမျိုးသမီးအသင်းတို့ ယှဉ်ပြိုင်ကစားကြရာ သွင်းဂိုး (၉)ဂိုးအထိ သွင်းယူ အနိုင်ရရှိခဲ့သည်။
ISPE အမျိုးသမီးအသင်းသည် ပွဲစဉ်တလျှောက်(၁၁)ဂိုးအထိ သွင်းယူခဲ့သော် သွင်းဂိုး(၂)ဂိုးမှာ လူကျွံနေသဖြင့် ကွင်းလယ်ဒိုင်လူကြီး ပယ်ချခဲ့သည်။
ယနေ့ပွဲစဉ်တွင် ပထမပိုင်းမှ ဒုတိယပိုင်းပွဲချိန်အထိ ပြိုင်ဘ က် ဂူအမ် STRYKERS FC ကို ISPE အမျိုးသမီးအသင်းကဖိအားပေးကစားခဲ့ပြီး နည်းပြချုပ်ဒေါ်စန်းစန်းသိန်းကလ ည်း ကာလတိုခေါ်ယူထားသည့် မြန်မာ့လက်ရွေးစင်အသင်း ကစားသမားများကို အချိန်အပြောင်းပြုလုပ်ကစားစေခဲ့သည်ကိုတွေ့ရသည်။
ပွဲစဉ်အတွင်း တိုက်စစ်မှူး မေထက်လူက အဝင်ကြမ်းသည်ဟုဆိုကာ အဝါကဒ် ပြခံခဲ့ရ သေးသည်။
ပြိုင်ပွဲအတွက် ကာလတိုစာချုပ်ဖြင့် ခေါ်ယူထားသည့် တိုက် စစ်မှူး မေထက်လူ၊ စန်းသော်သော်၊ ဖြူဖြူဝင်း၊ ဖြူဖွေးနှင့် ယွန်းဝတီလှိုင်တို့ ပါဝင်လာသလို ခင်မာလာထွန်း၊ ဇူးလတ်နဒီ(ဂိုး)၊ လင်းလဲ့ဦး၊ သန်းသန်းနွယ်၊ ရွှေရည်ထွန်းတို့ကို ဒေါ်စန်းစန်းသိန်းက အချိန်အပြောင်းပြုလုပ် ကစားစေခဲ့သည်။
ယနေ့တွင် ISPE အမျိုးသမီးဘောလုံးအသင်းအား ကွင်းအတွင်းလာရောက်အားပေးကြည့်ရှု့သည့် မြန်မာပရိတ်များ ပြားသည်ကိုလည်းတွေ့ရသည့်အပြင် မြန်မာပရိတ်၏ အနိုင်ဆန္ဒကို ISPE အမျိုးသမီးအသင်းက ဖြည့်ဆည်းပေးနိုင်ခဲ့ပြီဖြစ်သည်။
ISPEအသင်း အနေဖြင့် ဩဂုတ်(၂၈)ရက်တွင် မွန်ဂိုရီးယားကလပ်အသင်း၊ ဩဂုတ် (၃၁) ရက်တွင် ဖိလစ်ပိုင်ကလပ်အသင်းတို့ဖြင့် ရန်ကုန်မြို့ သုဝဏ္ဏအားကစားကွင်းအတွင်း၌ ပင် ယှဉ်ပြိုင်ကစားသွားကြရဦးမည်ဖြစ်သည်။